2019 թվականին աճել է սպառնալիքների թիվը: Այնպիսի երկրներում, ինչպիսիք են Մոլդովան եւ Հայաստանը, դատական համակարգերն իրենց վրա զգացել են քաղաքական ճնշումը, նշված է Amnesty International իրավապաշտպան կազմակերպության հրապարակած «2019 թվականին Մարդու իրավունքներն Արեւելյան Եվրոպայում եւ Կենտրոնական Ասիայում» զեկույցը:
Հայաստանում դատական իշխանությունների վրա գործադիր իշխանության հնարավոր ճնշման անհանգստության ֆոնին տեղի են ունեցել բարձրաստիճան պետական անձանց ձերբակալություններ եւ քրեական հետապնդումներ,-ասված է զեկույցում:
2019 թվականի հունիսի 25-ին երրորդ անգամ ձերբակալվեց ՀՀ երկրորդ նախագահ Ռոբերտ Քոչարյանը՝ կապված «սահմանադրական կարգը տապալելու» եւ կաշառք ստանալու վերաբերյալ 2018 թվականին նրան առաջադրված մեղադրանքների հետ: Ըստ դատախազության վարկածի՝ նախկին նախագահը պատասխանատու է 2008-ի մարտին տեղի ունեցած բողոքի ցույցերը բռնությամբ ցրելու համար, որի ժամանակ զոհվեց 10 մարդ:
Ռոբերտ Քոչարյանը հերքել է մեղադրանքները՝ որպես անհիմն եւ քաղաքական դրդապատճառներով պայմանավորված, եւ մեղադրել է կառավարությանը դատական համակարգի վրա ճնշում գործադրելու մեջ: Երբ 2019 թվականի մայիսին դատարանը գրավի դիմաց ազատ էր արձակել Ռոբերտ Քոչարյանին, վարչապետ Նիկոլ Փաշինյանը պահանջել էր անցկացնել դատական համակարգի համակողմանի բարեփոխումներ՝ հրապարակավ քննադատելով դատավորներին այդ որոշման համար, եւ կոչ արել կողմնակիցներին արգելափակել դատարանների շենքերը:
2008 թվականի մարտին հանրահավաքը բռնի ուժով ցրելու, ինչպես նաեւ իշխանությունը չարաշահելու այլ ենթադրյալ դեպքերի կապակցությամբ մեղադրանքներ են առաջադրվել նաեւ այլ պետական բարձրաստիճան պաշտոնյաներին: Տարեվերջի դրությամբ դատավարությունը դեռեւս չի ավարտվել:
Հունիսի 5-ին՝ ժամը 14։00-ին, Հայելի ակումբի հյուրն է Սուրեն Սուրենյանցը
Հունիսի 5-ին՝ ժամը 16։00-ին, Հայելի ակումբի հյուրն է Տաթև Արցախցին
Հունիսի 5-ին՝ ժամը 16։30-ին, Հայելի ակումբի հյուրն է Հայկ Այվազյանը
Հունիսի 5-ին՝ ժամը 11։00-ին, Հայելի ակումբի հյուրն է Աննա Մայիլյանը
Հունիսի 5-ին՝ ժամը 13։00-ին, Հայելի ակումբի հյուրն է Հայկ Նահապետյանը
Հունիսի 5-ին՝ ժամը 12։00-ին, Հայելի ակումբի հյուրն է Դավիթ Ջամալյանը
Հունիսի 4-ին՝ ժամը 13։00-ին, Հայելի ակումբի հյուրն է Կարապետ Մինասյանը
Հունիսի 4-ին՝ ժամը 14։00-ին, Հայելի ակումբի հյուրն է Արամ Գասպարի Սարգսյանը
Հունիսի 4-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Հունիսի 4-ին՝ ժամը 11։30-ին, Հայելի ակումբի հյուրն է Աննա Մայիլյանը