Այս պահին դեռեւս համոզվածություն չկա, որ պիկը թիկունքում է. վարչապետ (video)
Պարետատան նոր որոշման շրջանակներում մենք տասնյակ հազարավոր մարդկանց հնարավորություն ենք տվել վերադառնալ աշխատանքի եւ այս փուլում ես առանձնահատուկ նշանակություն եմ տալիս գործատուների պատասխանատվությանը, թե նրանք որքանով են ապահովում իրենց աշխատողների վարակման հնարավորությունները նվազեցնելու խնդիրը: Այս մասին Facebook-ի իր ուղիղ եթերում նշեց ՀՀ վարչապետ Նիկոլ Փաշինյանը:
«Այսօր նաեւ հանձնարարություն եմ տվել, որ պարետատունը հանդես գա խորհրդատվական որոշակի առաջարկներով, նաեւ մեր տեսչական մարմինները խորհրդատվություն կիրականացնեն, թե ինչ միջոցառումներ պետք է իրականացնեն, որ նվազագույնի հասցնեն աշխատողների վարակման հավանականությունը:
Այսօր ունենք իսկապես չափազանց լուրջ շանս ջարդելու համաճարակի ողնաշարը:
Պետք է չթողնել զգոնությունը, որ կարողանանք րոպե առաջ այս իրավիճակը հաղթահարել կամ համոզվել, որ մեր պիկն արդեն թիկունքում է: Այս պահին դեռեւս նման համոզվածություն չկա, ցավոք սրտի»,-ասաց վարչապետը:
Հետևեք մեզ Viber-ում
