Ովքե՞ր են կանգնած Եսայան եղբայրների հետևում

Երեկ մամուլը պայթում էր «Յուքոմի» շուրջ ծավալված իրադարձությունների լրահոսից: «Յուքոմի» տնօրեն Հայկ Եսայանը, ով նաև «Յուքոմ» ընկերության 2.6 տոկոս բաժնեմասի սեփականատերն է, դիմում էր գրել տնօրենի պաշտոնը լքելու մասին: Այդ դիմումին արձագանքել էին աշխատակիցների մի մեծ զանգված և նշվել էր, որ նրանք ևս ազատման դմումներ են ներկայացրել՝ ներկայացնելով դա թիմային որոշում, իսկ թե դրա նպատակը և ուղղորդումը ինչ ենթատեքստ ուներ արդեն պարզ դարձավ ուշ երեկոյան Եսայան եղբայների հաջորդ հրապարակումից:

Եսայան Եղբայրները, որոնց պատանում է «Յուքոմ» ընկերության մոտ 6 տոկոսը, և որոնք ազատման դիմումներ էին ներկայացրել, երեկ երեկոյան հանդես եկան տարօրինակ հայտարարությամբ՝ փաստելով որ ցանկանում են գնել «Յուքոմ» ընկերության մնացյալ 94 տոկոս բաժնետոմսերը 22 մլդ դրամով: Սա տարոօրինակ չէր լինի, եթե չլիներ մի քանի փաստերի միաժամանակյա համընկնումը:

Նախ ըստ Հայկ Եսայանի՝ ազատման դիմումի տարաձայնությունները բաժնետերերի հետ է, իսկ թե ինչ տարաձայնություն, հայտնի չէ։ Երկրորդ որ բոլորին է արդեն հայտնի՝ «Յուքոմ» ընկերության բաժնետոմսերի մյուս մասը պատկանում է Խաչատրյանների և Կարապետյանների ընտանիքներին, և, որ ամենակարևորը Հայկ Եսայանի մոտ տնօրենի ազատման դիմումը տալուց, աշխատողների մեծամասնության դուրս գալու տեղեկատվությունը հայտարարելուց հետո վերջինիս մոտ հայտնվում է մեծ կարողություն 22 մլրդ դրամի չափով:

Որքան էլ Եսայան եղբայրները հայտարարեն, որ այդ գումարը իրենք են պատրաստ վճարել և իրենք են դա ձեռքբերում, ակնհայտ է, որ դա այդպես չէ, ակնհայտ է որ վերջիններս ներկայացնում են մեկ այլ անհայտ գնորդի շահ, որը, ցանկանում է օգտագործել ստեղծված իրավիճակը ( աշխատակիցների զանգվածային ազատման դիմումներ, Խաչատրյանների ընտանիքի շուրջ ստեղծված քրեական գործընթացներ և կալանքներ): Այստեղ միայն հարց է առաջանում` արդյոք անհայտ գնորդը, որը ցանկանում է ձեռք բերել «Յուքոմ»-ի 94 տոկոս բաժնետոմսերը և հավանաբար մեծ պարգևատրման է հետագայում արժանացնել Եսայան եղբայրներին, արդյոք սերտ համագործակցում է նաև պետական մարմինների հետ, ինչպես Եսայան եղբայրների հետ է, քանի որ ինչպես հրապարակել էր Հետք.ամ կայքը` փաստաթղթային հիմնավորմամբ Խաչատրյանների ընտանիքին պատկանող բաժնեմասերի վրա կալանք է դրվել բոլորովին վերջերս՝ մարտի 27 –ին:
Հետևությունները թողնում ենք ձեզ։