Նիկոլ Փաշինյանն անհապաղ պետք է դիմի Հրանտ Բագրատյանին ու Ռոբերտ Քոչարյանին

Նորանկախ Հայաստանն առնվազն երկու անգամ կանգնել է ծանրագույն տնտեսական եւ ֆինանսական ճգնաժամի առջեւ, որից հաջողվել է հաղթանակած դուրս գալ ոչ ստանդարտ եւ հեղափոխական լուծումներով:

Նրանցից մեկը Հրանտ Բագրատյանն է, ով կարելի է ասել գետին հակառակ հունով էր շարժվում ու թեպետ իր քայլերը մեծ աղմուկ էին բարձրացնում եւ հանրային հակազդեցության արժանանում, սակայն արդյունքներն էին անսպասելի եւ դրական: Մյուսն էլ, բնականաբար, Ռոբերտ Քոչարյանն էր, ով պատերազմի տարիներին եւ դրանից հետո նախ Արցախում, ապա Հայաստանում կարողացավ մեծ ջանքերի շնորհիվ տնտեսության ողնաշարն ուղղել: Հիմա, երբ Հայաստանը կանգնած է ֆինանսատնտեսական մեծ ճգնաժամի առջեւ, ժամանակն է եւ քանի դեռ ուշ չէ, Նիկոլ Փաշինյանը պետք է երկուսին խնդրի, առաջարկի իրենց խորհուրդներով փրկել տնտեսությունը վերջնական փլուզումից: