Նավթի համաշխարհային գները կտրուկ աճել են

Նավթի համաշխարհային գները կտրուկ աճել են ԱՄՆ-ում պաշարների մասին լուրերի հրապարակման ֆոնին: Երևանյան ժամանակով 19:05-ի դրությամբ Brent ապրանքանիշի նավթի գինը գերազանցել է 47 դոլարը` մեկ բարելի դիմաց:   Ինչպես գրում է Lenta.ru-ն, դա 3 տոկոսով ավելին է մայիսի 10-ի աճուրդի փակման պահի տվյալների համեմատ: Իսկ WTI ապրանքանիշի նավթի արժեքը հասել է 45.62 դոլարի` 2.2 տոկոս աճ գրանցելով: ԱՄՆ-ում նավթի առևտրային պաշարները մեկ շաբաթում` ապրիլի 29-ից մայիսի 6-ը, նվազել են 3,4 մլն բարելով՝ հասնելով 540 մլն բարելի: Այսօր ավելի վաղ ԱՄՆ էներգետիկայի նախարարությունը տեղեկացրել էր, որ կտրուկ բարձրացրել են նավթի գների կանխատեսումները ընթացիկ և հաջորդ տարիների համար։ 2016թ. Brent-ի նավթի  միջին արժեքը կկազմի 41 դոլար, իսկ 2017-ին՝ 51 դոլար` մեկ բարելի դիմաց։