ԱԳՆ-ն անամոթաբար ստում է
Երկու օր է մամուլն ահազանգում է, որ Մոսկվայի Դոմոդեդովո օդանավակայանում ՀՀ տասնյակ քաղաքացիներ կան, նրանք չեն կարողանում վերադառնալ հայրենիք եւ գիշերում են օդանավակայանում : Ապրիլի 2-ին նախատեսված Մոսկվա-Երեւան չվերթի չեղարկման հետևանքով օդանավակայանում մնացած մեր հայրենակիցները չունեին սնունդ, գումար և դժգոհում են իշխանությունների անտարբերությունից: Մի մասը հետ է վերադարձել հարազատի տուն, սակայն կան մոտ երկու տասնյակ քաղաքացիներ, որոնք շարունակում են մնալ օդանավայանում: Երեկ օրվա վերջում ԱԳՆ-ն հայտնեց, որ ՌԴ֊-ում ՀՀ դեսպանությունը այցելել են դեսպանության աշխատակիցները,տրամադրել առաջին անհրաժեշտության պարագաներ: «Դեսպանության տվյալներով՝ օդանավակայանում գտնվում էին մոտ 25 ՀՀ քաղաքացիներ, որոնցից 18-ին, իրենց ցանկությանն ընդառաջ, ՀՀ դեսպանությունն ապահովել է կեցություն օդանավակայանի մոտակայքում գտնվող հյուրանոցներից մեկում», - ասված է հաղորդագրության մեջ։
Երբ կլինի ինքնաթիռ և արդյոք կառավարությունը բանակցում է այս ուղղությամբ, չի հաղորդվում: Պարզվում է, սակայն, ԱԳՆ-ն ստում է եւ այդ մասին մեզ հաղորդեց մեր հայրենակիցը, ով պատմում է, որ որոշ մարդկանց կացության եւ սննդի հարցն իրականում անհատ քաղաքացիներն են հոգացել եւ ոչ թե արտգործնախարարությունը, իսկ մի մասն էլ վերադարձել են հարազատների տուն: Նա նաեւ տեսանյութ է հրապարակել այն մասին, որով փաստում է իր ասածը:
Հետևեք մեզ Viber-ում
