Ովքեր են մարդու անձնական և տեղակայման տվյալներին հասանելիություն տվող օրենսդրական փաթեթին կողմ քվեարկած պատգամավորները. antifake.am

Մարտի 30-ին, ՀՀ Ազգային Ժողովում արտահերթ նիստ էր գումարվել, որի ընթացքում ՀՀ արդարադատության նախարար Ռուստամ Բադասյանն առաջին ընթերցմամբ քննարկման է ներկայացրել «Արտակարգ դրության իրավական ռեժիմի մասին» օրենքում լրացումներ կատարելու մասին և «Էլեկտրոնային հաղորդակցության մասին» օրենքում լրացում կատարելու մասին վիճահարույց օրենսդրական փաթեթը:

Տեղեկացնենք, որ տվյալ օրենսդրական փաթեթը երկրում առկա արտակարգ իրադրության պայմաններում համապատասխան պետական մարմիններին թույլ է տալու միջամտություն իրականացնել անձնական տվյալների պաշտպանության, մասնավոր, ընտանեկան կյանքի անձեռնմխելիության, հաղորդակցության ազատության և գաղտնիության իրավունքներին։ Այդ կառույցները հնարավորություն են ստանալու տեղեկանալ հետաքրքրություն ներկայացնող անձի, նրա հետ հեռախոսային շփում ունեցած անձանց գտնվելու վայրի, հեռախոսային շփման տևողության, զանգերի քանակի և այլ անձնական տվյալների մասին։ Որևէ անձի տեղորոշման գործընթաց կարող է սկսվել, եթե նա վարակակիր է կամ կասկած կա նրա՝ վարակակրի հետ շփման վերաբերյալ:

Թեև նշվում է, որ անձնական տվյալներին միջամտությունները կրելու են ժամանակավոր բնույթ, մի շարք մասնագետներ հասցրել են իրենց մտահոգոությունները հայտնել Բադասյանի կողմից ներկայացված «թերի» և խնդրահարույց օրենսդրական փաթեթի վերաբերյալ։ Օրինակ, «Ինֆորմացիայի ազատության կենտրոն» ՀԿ-ի նախագահ Շուշան Դոյդոյանը հարցադրումներ էր արել, և հետաքրքրվել թե կոնկրետ ո՞ր մարմիններն են ունենալու մուտք մշակված անձնական տվյալներին, անվտանգության ի՞նչ մեխանիզմներով ու միջոցներով են ապահովելու, որ բացառվեն անձնական տվյալների արտահոսքերը, ինչպես նաև երրորդ անձանց մուտքը այդ տվյալներին և ո՞րտեղ են պահվելու անձնական տվյալները։ Դոյդոյանը առանցքային էր համարել այն, որ «բացակայում է կապը մշակվող անձնական տվյալների և սահմանված նպատակի միջև»։

ԲՀԿ և ԼՀԿ խմբակցությունները դեմ են արտահայտվել օրենսդրական այս փաթեթին, իսկ 88 հոգանոց «Իմ քայլը» խմբակցությունից 57-ը կողմ են քվեարկել:

Ո՞վքեր են այն պատգամավորները, որոնք կողմ են քվեարկել անձնական տվյալներին միջամտություն թույլ տվող այս խնդրահարույց օրենսդրական փաթեթին՝ անհատապես ներկայացնում ենք ստորև, քանի որ հասարակությունը պետք է ճանաչի իրենց անձնական տվյալներին հասանելիություն տված պատգամավորներին։

Մանրամասները` antifake.am