Թրամփի ժեստը Հայաստանին, Վրաստանին և Ադրբեջանին

Միացյալ Նահանգները, որը դաժան պայքար է մղում ընդդեմ Իրանի, այս երկրին էլ թույլ չտալով կորոնավիրոսի պայմաններում օգտվել հումանիտար օգնությունից, միաժամանակ փոքրիկ ժեստ է անում Հարավային Կովկասի երեք պետություններին՝ Հայաստանին, Վրաստանին և Ադրբեջանին:

ԱՄՆ Կոնգրեսի ստորին պալատը՝ Ներկայացուցիչների պալատն, ընդունեց կորոնավիրուսի համաճարակի հետևանքների հաղթահարման Թրամփի վարչակազմի առաջարկած 2 տրիլիոն դոլարի օգնության փաթեթը: Օրինագիծն ընդունվել է ձայնային քվեարկության միջոցով, որի ժամանակ օրենսդիրները բարձրաձայնում են «դեմ» կամ «կողմ»: Հանրապետական կոնգրեսական Թոմաս Մասիեն փորձում էր հետաձգել քվեարկությունը՝ պահանջելով ամբողջական քվեարկության ձևաչափ, սակայն Ներկայացուցիչների պալատի ճնշող մեծամասնության ջանքերի շնորհիվ օրինագիծը ընդունվեց:

Այժմ այն ուղարկվել է Սպիտակ տուն՝ նախագահի ստորագրության համար, որի ստորագրությունից հետո կստանա օրենքի ուժ: Նախօրեին օրինագիծն ընդունել էր նաև ԱՄՆ Սենատը: Նախագահ Դոնալդ Թրամփը խոստացել էր ԱՄՆ Կոնգրեսում օրինագծի ընդունումից հետո անմիջապես ստորագրել այն: Փաթեթը ներառում է սոցիալական և տնտեսական ծրագրեր, որոնց թվում է միանվագ օգնությունն անհատներին, աջակցություն մանր ու միջին բիզնեսներին, ինչպես նաև խոշոր ընկերություններին, որոնք ամենաշատն են տուժել կորոնավիրուսի համաճարակի արդյունքում:

Այսպես, ԱՄՆ նախագահ Դոնալդ Թրամփը ստորագրեց ԱՄՆ Ներկայացուցիչների պալատի կողմից ընդունած կորոնավիրուսի համաճարակի հետևանքների հաղթահարման համար 2 տրիլիոն դոլար օգնություն նախատեսող օրինագիծը: Փաթեթը պարունակում է սոցիալական և տնտեսական ծրագրեր, ներառյալ միանվագ օգնություն անհատներին, աջակցություն մանր ու միջին բիզնեսներին, ինչպես նաև խոշոր ընկերություններին, որոնք ամենաշատն են տուժել կորոնավիրուսի համաճարակի արդյունքում: Նախագահի ստորագրությամբ փաթեթը ստացավ օրենքի ուժ ու ենթակա է իրականացման:

ԱՄՆ-ն Հայաստանին և Ադրբեջանին համապատասխանաբար 1.1 և 1.7 միլիոն դոլար կտրամադրի կորոնավիրուսի դեմ պայքարի համար՝ որպես ռիսկային խմբում գտնվող երկրներ:

ԱՄՆ-ի պետքարտուղարությունը տեղեկացնում է, որ կորոնավիրուսի համաճարակի դեմ պայքարի շրջանակում նախատեսում է օգնություն ցուցաբերել Հայաստանին: Այդ նպատակով ԱՄՆ-ի պետքարտուղարությունը և Միջազգային զարգացման գործակալությունը նախատեսում են Հայաստանին տրամադրել 1.1 միլիոն ԱՄՆ դոլար: Օգնությունը կուղղվի Հայաստանում առողջապահության ոլորտի բարելավմանը, մասնավորապես լաբորատոր համակարգերի զարգացմանը, կորոնավիրուսի դեպքերի բացահայտման հնարավորությունների մեծացմանը, փորձագիտական շրջանակների աջակցությանն ու մի շարք այլ ոլորտներին:

Պետքարտուղարությունն ընդգծում է, որ վերջին 20 տարիների ընթացքում Միացյալ Նահանգները, որպես օգնություն Հայաստանի առողջապահության ոլորտի զարգացմանն է տրամադրել 106 միլիոն դոլար, իսկ ընդհանուր օգնության չափը կազմում է 1,57 միլիարդ դոլար:

Բացի Հայաստանից, ԱՄՆ-ի պետքարտուղարությունը համաճարակի դեմ պայքարի համար նախատեսում է օգնություն տրամադրել բազմաթիվ այլ երկրների առողջապահության ոլորտներին: Կորոնավիրուսի դեմ պայքարի շրջանակում Հայաստանի հարևան երկրներ Ադրբեջանն ու Վրաստանը կստանան համապատասխանաբար 1.7 միլիոն ու 1.1 միլիոն դոլար օգնություն:

Մետաքսյա Շալունց