Պաշտոնավարման շրջանում՝ $ 205.000, ամսական՝ $ 9.500 պարգևավճար՝ «հեղափոխական ձեռնարկի» հրատարակման համա՞ր

8:45 - 19/մարտի/2020

Դիտել նաև Փարթի` իշխանական «Ֆերմատանը». կազմակերպել էր Էդուարդ Աղաջանյանը. 168.am Կառավարության պաշտոնյաներին ինչ ավտոմեքենաներ են սպասարկում եւ որքան վառելիք է հատկացվում Էդուարդ Աղաջանյանը վարչապետի հետ ունեցած տարաձայնության մասին «Էդուարդ Աղաջանյանի կողմից պաշտոնեական դիրքի չարաշահում է թույլ տրվել». Հայկ Այվազյան

Yerkir.am-ը գրավոր հարցում էր ուղարկել ՀՀ վարչապետի աշխատակազմի ղեկավար Է. Աղաջանյանի անունով՝ խնդրելով տեղեկություններ այն մասին, թե որքա՞ն է կազմել ՀՀ անվտանգության խորհրդի գրասենյակի (ներառյալ՝ ԱԽ քարտուղարի) աշխատակիցներին վճարված պարգևավճարների ընդհանուր չափը (մեկ թվով)՝ 17.05.2018 թվականից մինչև 29.02.2020 թվականը, նաև՝ որքա՞ն է ՀՀ անվտանգության խորհրդի գրասենյակի աշխատակիցների թիվն այս պահին:

Ստացված գրավոր պատասխանում (կցվում է) նշված է, որ ՀՀ վարչապետի աշխատակազմի անվտանգության խորհրդի գրասենյակի աշխատողներին հիշյալ ժամանակահատվածում վճարված պարգևավճարների ընդհանուր չափը կազմել է 98.593.547 ՀՀ դրամ (ավելի քան $ 205.000), որը ամսական կազմում է ավելի քան $ 9.500:

Հիմնարկի աշխատողների թվաքանակը 37 է: Այսինքն՝ ԱԽ յուրաքանչյուր աշխատակից ամսական միջինացված թվով ստացել է ավելի քան $ 250 պարգևավճար:

Տարօրինակ է, որ ուումնառությունից հետո ընդամենը երկու կազմակերպության (ըստ կենսագրականի՝ «Քաունթերփարթ Ինթերնեյշնլ Ինկ.»-ի հայաստանյան ներկայացուցչությունում՝ 1,5 տարի, «Թրանսփարենսի Ինթերնեյշնլ հակակոռուպցիոն կենտրոն» հասարակական կազմակերպությունում՝ 3 տարի) միջին օղակներում աշխատակցած և հանրագումարում ընդամենը 4,5 տարվա աշխատանքային փորձառությամբ Արմեն Գրիգորյանը ԱԽ քարտուղար եղած շրջանում «որոշել էր գրքի տեսքով վերապատմել հեղափոխության իր փորձառությունը»՝ 1.5 տարվա ընթացքում հիմնական ազատ ժամանակը տրամադրելով գրքի աշխատանքներին:

ԱԽ քարտուղարը հույս էր հայտնել, որ «Հեղափոխության երկու ամյակին» կկարողանա արդեն ամբողջությամբ պատրաստի գիրքը հանձնել մեր դատին:

Ցանկալի կլիներ, որ այդ նույն իրադարձության ամյակին ԱԽ քարտուղար Ա. Գրիգորյանը հանրությանը բացատրեր, թե ի՞նչ նվաճումների համար է պարգևատրվում իր հիմնարկն ամսական $ 9.500-ով, որի առյուծի բաժինը, համոզված ենք, ստանում են ոչ շարքային աշխատակիցները: