Որքան է արժեցել Մոսկվայի Կարմիր հրապարակում զորահանդեսը

РБК-ի հաշվարկներով՝ Մոսկվայի Կարմիր հրապարակում մայիսի 9-ին անցկացված զորահանդեսի հայտամրցույթի ընդհանուր գումարը կազմել է շուրջ 300 միլիոն ռուբլի՝4,5 մլն դոլար ,որոնք ավելացել են ավելի քան 85 մլն ռուբլով, վկայում են ՌԴ պետգնումների պորտալի տվյալները: Երկրորդ համաշխարհային պատերազմի ավարտի 70-ամյակի զորահանդեսի և համերգի անցկացման վրա 2015թ. ծախսվել էր ընդհանուր առմամբ 810 մլն ռուբլի (12,2 մլն դոլար): ՌԴ ՆԳՆ-ի տվյալներով՝ Հաղթանակի օրվա տոնակատարություններին Ռուսաստանում մասնակցել է 24 մլն մարդ: Մեծ թվով մարդիկ են մասնակցել Մոսկվայում, Սանկտ Պետերբուրգում, Լենինգրադի և Սվերդլովի մարզերում և Կրասնոդարի երկրամասում անցկացված տոնական միջոցառումներին: Ներկա են եղել ՌԴ նախագահ Վլադիմիր Պուտինը, Ղազախստանի նախագահ Նուրսուլթան Նազարբաևը: ՌԴ պաշտպանության նախարարության տվյալներով՝ զորահանդեսին մասնակցել է ավելի քան 10 հազար մարդ, 135 միավոր ռազմական տեխնիկա և 71 թռչող սարք: Զորահանդեսը ղեկավարել է ՌԴ Ցամաքային զորքերի գլխավոր հրամանատար Օլեգ Սալյուկովը: