Որտեղ փնտրել իրական «տականքին»

Տարվա խիզախ կին ճանաչված Լյուսի Քոչարյանը էջմիածնցի հայտնի կնոջը տականք է անվանել: Կորոնավիրուսի տարածման, Իտալիայից Հայաստան ժամանած և Էջմիածնում նշանդրեքի ժամանակ մասնակիցներին վարակած կնոջ մասին գրառումները վերջին օրերին ֆեյսբուքյան ամենաքննարկվող թոփ թեմաներից մեկն է:
Իր ֆեյսբուքյան էջում տիկնոջն անդրադարձել է նաև վերջերս «Խիզախ կին» միջազգային մրցանակին արժանացած Լյուսի Քոչարյանը, ով իր գրառման մեջ նշում է.«Էջմիածնի կնոջ հետ շփվածների խմբում՝ ևս 2 դեպք։
Կներեք էլի, որ ասեմ, որ այդ կինն անպատասխանատու, խոզ տականք ա, շատ կոպիտ կհնչի՞։ Ինձ թվում ա՝ ոչ այնքան։ Տեսնես՝ ոնց ա իրեն զգում։ Ես, օրինակ, ամոթից ու նեղվածությունից գետինը կմտնեի։ Ասենք կաղերսեի գետնին բացվել ու կուլ տալ ինձ։
Էսպիսի եսակենտրոն տականքները պետք ա դաս ու խրատ լինեն օրինակ ինձ պես արտասահմանից եկողներին։ Այսքան խոսելու ու էդ կնկան դատափետելու իմաստը դա ա։
ԱՄՆ-ից գալու եմ 2 օրից՝ բացառիկ ու զիլ ծրագիրս ընդհատած, սիրած մարդկանց էդ կնկա տածած կարոտից ոչ պակաս կարոտած։
ԱՄՆ-ի դեպքում Իտալիայի պես խիստ ցուցում չկա, բայց մեկա, 14 օր ինքնամեկուսանալու եմ առանձին տանը մեն-մենակ՝ ահռելի ծախսով։ Չեմ գնալու եթերների ու չեմ վճարվելու, քանզի էդ տիպի երկրում չենք ապրում, որ վճարվեմ։ Ամեն ինչ ինքներս մեզ վրա ա՝ կանխարգելիչ քայլերից, դեպրեսիվ վիճակից մինչև ֆինանսական ծախսեր։
Էս ամենը սոսկալի ա իմ պես 101% էքստրովերտ մարդու համար։ Բայց Էջմիածնի անամոթ կինն ու նրա պես վարվելն ավելի սոսկալի են։ Մի արեք տենց։
Diana Naghdalyan , քեզնից պաշտոնապես ներողություն եմ խնդրում մեկուսանալու վերաբերյալ վիճելու համար։ Ճիշտ ա, բարդ ա մնում դա անելը, բայց դե պետք ա»:
Լյուսին տարիներ շարունակ հանդես է եկել ֆեմինիստի դիմակի տակ, ավելին, խիզախ կին անվանակարգին արժանանալու համար ամերիկացիների ընտրությունը կանգ առավ նրա վրա այն բանի համար, որ Լյուսի Քոչարյանը ամիսներ առաջ նամակներ էր հրապարակում, կար տեսակետ, որ դրանք ինքն էր իրեն գրում՝ բռնաբարված ու ծեծված կանանց անունից:
Բայց ի՞նչ է արել Էջմիածնի հայտնի կինը: Փետրվարի 28-ին ժամանել է Իտալիայից Երևան, պատրաստվել է նշանդրեքի: Եղել է վատառողջ, սակայն, բնականաբար, չէր կարող իմանալ, որ կորոնավիրուսով է վարակված: Իսկ նշանդրեքը չի չեղարկել, քանզի օրինակ է վերցրել ժողովրդի վարչապետից, որը գիշեր-ցերեկ միտինգներ էր անում, իր հակասահմանադրական հանրաքվեի «ԱՅՈ»-ի քարոզով էր զբաղված: Եւ ուրեմն հարց՝ եթե երկրի քաղաքական ղեկավարությունը երկրում բազմամարդ միջոցառումներ է կազմակերպում, ինչո՞ւ պիտի շարքային քաղաքացին խուսափի բազմամարդ միջոցառումներից: Հատկապես, որ կնոջ շրջապատից պարզաբանել են, որ կինը ստուգվել է, բայց իրեն չեն ասել մեկուսացում է հարկավոր: Եւ ուրեմն սույն տիկինը ճիշտ կաներ տականք անվաներ այս իշխանությանն ու գլխավոր պատասխանատուներին,եթե կորոնավիրուս տարածողներն ընդհանրապես տականք են:

Անի Սահակյան