STOP. Փաշինյանի ատրճանակը լրատվամիջոցների գլխին

Այսպիսով` մարտի 16-ի ժամը 18.30-ից մինչև ապրիլի 14-ը ժամը 9.00 ՀՀ-ում սահմանվեց արտակարգ դրություն: Զարմանալի, միեւնուն ժամանակ սպասելի էր, որ Արտակարգ դրության հասատատելու մասին Կառավարության որոշմամբ հատուկ անդադարձ է կատարվելու զանգվածային լրատվության միջոցներներին` սահմանափակումների որոշակի շրջանակ նախատեսելով զանգվածային լրատվության միջոցների համար: Նիկոլ Փաշինյանը առիթը նաց չէր թողնելու եւ ԶԼՄ-ների դեմ հերթական որոշումն էր ընդունելու: Եւ, այսպես, համաձայն արտակարգ դրություն հայտարարելու մասին նախագծի՝ եթե լրատվամիջոցի հրապարակված տեղեկատվությունը որևէ կերպ առնչվում է կորոնավիրուսին, (ՀՀ, ինչպես նաև ՀՀ տարածքներից դուրս վարակման առկա և նոր դեպքերի, անձանց առողջական վիճակի, վարակի աղբյուրների, առկա կամ հնարավոր վարակակիր անձանց հետ շփված այլ անձանց շրջանակի, զննում (վարակի թեստավորում) անցնող անձանց և մեկուսացվածների քանակի, ինչպես նաև խուճապի հանգեցնող կամ խուճապային իրադրություն ստեղծելու վտանգ պարունակող տեղեկությունների վերաբերյալ հրապարակումներ, տեղեկատվական նյութեր, հարցազրույցներ, հաղորդումներ (այսուհետ` հաղորդում) հրապարակային տարածումը, փոխանցումը ) այն պետք է հղում կատարի պարետատան կողմից տրամադրված տեղեկատվությանը: Սա վերաբերում է ինչպես տպագիր մամուլում, հեռուստատեսությամբ, այնպես էլ ինտերնետային կայքերում և սոցիալական ցանցերում հրապարակվող տեղեկատվությանը:
Զանգվածային լրատվության միջոցների պատրաստած նյութերը չպետք է հակասեն պաշտոնական տեղեկատվությանը և պետք են հնարավորինս վերարտադրեն այն:Այսինքն` եթե պաշտոնական հաղորդագրությամբ ներկայումս հաստատված է, որ կա կորոնավիրուսի հաստատված 30 դեպք, զանգվածային լրատվության միջոցները չեն կարող իրենց հաղորդումներում ներառել տեղեկատվություն, որ ըստ իրենց աղբյուրների հաստատված դեպքերի քանակը ավելի շատ է:
Արտակարգ դրության որոշման պայմանները խախտող հաղորդումները ենթակա են անհապաղ վերացման: Այսինքն, եթե լրատվամիջոցը հրապարակել է հաղորդում, որը հակասում է պարետատան տրամադրած տեղեկատվությանը, նման հաղորդումը պետք է հեռացվի լրատվամիջոցի կողմից:
Բայցեւայնպես, կորոնավիրուսին որևէ կերպ չառնչվող լրատվական նյութերի պարագայում որևէ սահմանափակում չի տարածվում: Նշված սահմանափակումները վերաբերում են բացառապես կորոնավիրուսին առնչվող նյութերին: Սա նշանակում է, որ կորոնավիրուսին չառնչվող լրահոսի դեպքում ԶԼՄ-երը շարունակում են գործել այնպես, ինչպես գործել են մինչև արտակարգ դրությունը:
Հետաքրքիր է, որ անգամ 2008 թվականի մարտյան իրադարձությունների ժամանակ, երբ երկրում կրկին արտակարգ դրություն էր հայտարարվել, չկար քաղաքական հաղորդումների եւ ինֆորմացիայի տարածման սահմանափակում կամ արգելք: Իրենց բնականոն աշխատանքն էին շարունակում քաղաքական հաղորդումնրեը, այդ մասին կարող է փաստել այսօր Հանրայինի լրատվականի ղեկավար Պետրոս Ղազարյանը, ով այդ օրերին Կենտրոն հեռուստաընկերությունում իր Ուրվագիծ հաղորդումն էր վարում: Ցանկացած ոք կարողանում էր անխնա քննադատել իշխանություններին, խոսել քաղաքական թեմաների՝ բոլորի ու ամեն ինչի մասին:

Անի Սահակյան