Պատրաստում է չվերահսկվող տարածքների վերադարձի պլան

Կիևը պատրաստում է Դոնբասի չվերահսկվող տարածքների վերադարձի պլանի նախնական տարբերակը: Այդ մասին երկուշաբթի հայտնել են ուկրաինական լրատվամիջոցները՝ հղում կատարելով օկուպացված տարածքների և ժամանակավոր տեղահանված անձանց գործով նախարար Վադիմ Չերնիշին: Ընդ որում՝ նախարարը պլանի մանրամասնությունների մասին ոչինչ չի հայտնել: Ավելի վաղ Չերնիշի տեղակալ Գեորգի Տուկան հայտարարել էր Դոնբասի վերաբերյալ ռազմավարական պլանի գոյության մասին, որտեղ նաև նախատեսված է Կիևի կողմից չվերահսկվող տարածքների հետ առևտրի նորացում: Իր հերթին Ուկրաինայի նախագահ Պյոտր Պորոշենկոն ապրիլին հայտարարել է, որ Դոնբասի խնդրի ռազմական լուծում գոյություն չունի, տվյալ հարցերը պետք է լուծվեն բացառապես դիվանագիտական ճանապարհով: