Երբ կավարտվի կորոնավիրուսի համաճարակը. կանխատեսում

Covid-19 կորոնավիրուսի համաճարակն աշխարհում կարող է կայունանալ հունիս-հուլիս ամիսներին: Նման կարծիք է հայտնել Հիմնային և տրանսլյացիոն բժշկության ռուսական հետազոտական կենտրոնի փորձարարական մեդելավորման և ինֆեկցիոն հիվանդությունների բաժնի վարիչ Ալեքսանդր Շեստոպալովը:
«Կարելի է կանխատեսել, որ կորոնավիրուսի տարածումը կհանդարտվի հունիս-հուլիս ամիսներին: Չինաստանում պիկն անցել է դեռևս փետրվարին», — ասել է գիտնականը:
Ըստ Շեստոպալովի՝ կորոնավիրուսը 10-15 անգամ պակաս պաթոգեն է, քան 2002-2003 թթ. SARS վիրուսը և 2012-2015 թթ. մերձարևելյան շնչառական սինդրոմը, որոնք ևս համաճարակներ են առաջացրել:
«Այժմ բավականին բարձրացել է ախտորոշման որակը, հետևաբար վիրուսն ավելի արագ են հայտնաբերում: Կիրառվող միջոցները բավարար են համաճարակը հաղթահարելու համար», — կարծում է մասնագետը:

Հաշվի առնելով, որ նույն քանակությամբ մարդիկ են ամեն օր մահանում տուբերկուլյոզից և ավելի շատ մարդ՝ գրիպից, Շեստոպլովն այնքան էլ չի անհանգստանում կորոնավիրուսից և գտնում է, որ այն շուտով կհաղթահարվի:

Հուսադրող լուրեր են ստացվել Իտալիայից. Իտալիայում կորոնավիրուսից ապաքինված հիվանդների թիվը մեկ օրում ավելացել է մեկ երրորդով: РИА Новости-ի փոխանցմամբ՝ այս մասին հայտնել է Իտալիայի քաղաքացիական պաշտպանության գործակալության ղեկավար Անջելո Բորելին:

«Այսօր 527 ապքինված ունենք, ընդհանուր առմամբ, նրանց թիվը հասել է 1966-ի», ասել է Բորելին: Վերջինս հայտնել է, որ մեկ օրում 175 մարդ է մահացել: Նախօրեին նրանց թիվը կազմել էր 250: Այդպիսով, ցուցանիշը նվազել է 70 տոկոսով՝ նախորդ օրվա համեմատ: Կորոնավիրուսից մահացածների թիվը հասել է 1441-ի:

Չինաստանի առողջապահության հարցերով հանձնաժողովի ներկայցուցիչ Մի Ֆենը հայտնել է, որ երկրում անցել է կորոնավիրուսի համաճարակի պիկը, հայտնում է «ՌԻԱ Նովոստի» գործակալությունը։

Նրա խոսքով՝ անցած շաբաթվա ընթացքում Չինաստանի Հուբեյ նահանգում, բացառությամբ Ուհան քաղաքի, Covid-2019-ի որևէ նոր դեպք չի հայտնաբերվել:
Նշված նահանգի սահմաններից դուրս երկրում գրանցվել է կորոնավիրուսով վարակման յոթ նոր դեպք, որից 6–ը՝ «ներմուծված»։
«Այս տվյալները ցույց են տալիս, որ, ընդհանուր առմամբ, համաճարակի այս ալիքի պիկը երկրում արդեն անցել է»,- նշել է Մի Ֆենգը:
Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:Նախօերին Չինաստանի այս քաղաքում դուրս է գրվել կորոնովիրուսով վարակված վերջին հիվանդը և հատուկ վիրուսի համար կառուցված նոր հիվանդանոցը կփակվի: Չինաստանն այժմ պատրաստակամություն է հայտնել օգնել եվրոպական երկնրներին, որտեղ համաճարակն այժմ հասել է պիկին:  
Պետք է ընդունել, որ Չինաստանը ճգնաժամային կառավարման, ռեսուրսների նպատակային կիրառման նախանձելի մոդել ցույց տվեց: Պոտության տնտեսական հնարավորություններից բացի մեծ նշանակություն ունի նաև հասարակական գիտակցությունն ու բոլոր կանոնների պահպանման կարգապահությունը: Չինացիները ցույց տվեցին համակարգային կառավարման ընդօրինակելի փորձ, որն արժի ուսումնասիրել և սովորել:

Հայկ Դավթյան