Նիկոլ Փաշինյանը ստեղծել է բանդաներ, բայց ժողովրդին ասում է՝ խղճացեք ինձ․Վոլոդյա Հովհաննիսյան (video)
Հայաստանում այսօր և՛ ֆիզիկական, և՛ տեղեկատվական ոլորտում տիրում է «բանդիտիզմ»։ Այս մասին՝ Անժելա Թովմասյանի՝ Արմնյուզ ՀԸ «Հայելու առաջ» հեղինակային հաղորդման ժամանակ ասել է ազատամարտիկ Վոլոդյա Հովհաննիսյանն՝ անդրադառնալով այսօր լրահոսում հայտնված այն տեղեկությանը, որ մի խումբ երիտասարդներ իրենց հռչակել են «Հեղափոխության պահապաններ» ու ՀՀ վարչապետ Նիկոլ Փաշինյանին հայհոյող քաղաքացուն պահանջել ներողություն խնդրել վարչապետից։
«Այս միջադեպը Նիկոլական ցինիզմի լավագույն արտահայտումն է։ Տիրող մթնոլորտը հոգեբանական առումով շատ ավելի վտանգավոր է, քան ֆիզիկական»,- ասել է ազատամարտիկը։
Հաղորդման մյուս հյուր Վոլոդյա Հովհաննիսյանի համոզմամբ՝ պատասխանի ժամանակը գալու է ու այսպիսի իրավիճակներ ստեղծողներն արյամբ են պատասխան տալու։
Հաղորդման մյուս հյուրի՝ ՀՅԴ ԳՄ անդամ Արմենուհի Կյուրեղյանն էլ հիշեցրել է մետրոյում տեղի ունեցած միջադեպը, որից հետո Նիկոլ Փաշինյանը գրել էր՝ «այդ աղջկան զուգարաններում չեն քաշքշի և սա ժողովրդավարության օրինակ է».« Կներեք, իհարկե, ժողովրդավարությունը համեմատում եք զուգարաններում քաշքշել-չքաշքշելու հե՞տ, այդքան իջեցնո՞ւմ եք այն»։
Խոսելով «Այո»-ի քարոզարշավից ու Նիկոլ Փաշինյանի հայտարարություններից՝ Վոլոդյա Հովհաննիսյանն ասել է. «Քարոզարշավը հիմնված է ստի ու կեղծիքների վրա։ Նիկոլ Փաշինյանը փորձում է սիրաշահել հանրությանը՝ պայքարելով նախկինների, մասնավորապես՝ Սերժ Սարգսյանի դեմ»։
Վոլոդյան Հովհաննիսյանն իր խոսքում հերթով ներկայացրել է այն բոլոր, իր բնորոշմամաբ՝ ստերը, որոնք հայտարարել է Նիկոլ Փաշինյանը։
Արմենուհի Կյուրեղյանն էլ հարց է բարձրացրել՝ ի՞նչ կապ ունեն Նիկոլ Փաշինյանի հայտարարությունները հանրաքվեում դրված գաղափարի հետ. «Հիմնավորում են հանրաքվեն, ասելով՝ այսօրվա ՍԴ-ն խանգարում է, որպեսզի Հայաստանում զարգանա սոցիալական արդարությունը։ Երևի այդ մարդը չի պատկերացնում, ի՞նչ կապ ունի սոցիալական արդարությունը Սահմանադրական դատարանի հետ»։
«Համերաշխություն» կուսկացության նախագահ Սարգիս Ավետիսյանի խոսքով էլ՝ Նիկոլ Փաշինյանը ճիշտ է ասում, երբ ասում է՝ ՍԴ-ն խանգարում է երկրի զարգացմանը. «Մենք այսօր ունենք իդեալին մոտ Սահմանարդական դատարան։ Եթե հանկարծ «Այո»-ն հաղթի, գալու են Սահմանադրական դատարան մարդիկ, ովքեր դակելու են այն, ինչ ասի՝ իշխանությունը»։
Քաղաքական գործչի համոզմամբ՝ ՍԴ-ից ազատվելու դեպքում կկորցնենք Արցախը, «Ստամբուլյան կոնվենցիան» կվավերացվի ու նմանատիպ այլ իրողությունների կբախվենք։
Հետևեք մեզ Viber-ում
