Կորոնավիրուսն ընդդեմ Փաշինյանի

Ռուսերեն մի հայտնի խոսք կա՝ «не было бы счастья да несчастье помогло»: Հայերենում ավելի լավ տարբերակ ունենք՝ «չկա չարիք՝ առանց բարիք»։

Կորոնավիրուսի հայտնվելն ամբողջությամբ տեղավորվում է այս խոսքերի մեջ։

Մեզանում քաղաքական կորոնովիրուսը ամբոխավարության ու էժանագին պոպուլիզմի միջոցով վաղուց էր տարածվել։ Դրանով վարակվել էին շատերը։

Նիկոլ Փաշինյանի տարածած քաղաքական կորոնավիրուսը հատկապես ազդել էր պողոսների աչքերի վրա։ Դրանք փակվել էին։ Ոչինչ չէին տեսնում։ Չէին տեսնում, որ իրենց հիմարի տեղ է դնում քաղաքական կորոնավիրուս տարածողը։

Աչքերը փակվել էին, բայց փոխարենը բացվել էին ականջները՝ տարատեսակ աղբ ընդունելով իրենց մեջ։

Հիմա կորոնավիրուսը բացում է այդ աչքերը։ Վախի աչքերը, ինչպես հայտնի է, մեծ են լինում։ Այդ մեծ բացված աչքերն արդեն տեսնում են, թե ինչ ապաշնորհ ու անպատասխանատու իշխանություն է Նիկոլինը։

Ամբողջ աշխարհը կանխարգելող կամ վտանգը մեղմող քայլերի էր գնում, իսկ Նիկոլը դա անելու փոխարեն հայտարարեց, թե բա արձակուրդ եմ վերցնում ու գնում «այո» քարոզելու՝ «կորոնավիրուսն ո՞ւմ շունն է» ծրագրի շրջանակներում։

Սրանք այնքան հանցավոր մտածողություն ունեն, որ վիրուսի վտանգի պայմաններում մարդկանց լցնում էին իրար վրա ու վրաները քարոզ կարդում՝ վիրուսի հետ նաև թույնի ու ատելության մթնոլորտ տարածելով։

Սրանք այնքան անմեղսունակ են, որ վարակվելու վտանգն անգամ չէին զգում ու Նիկոլի գլխավորությամբ գնում էին քարոզ անելու։

Ու հենց հասկացան, որ հանրաքվեն ձախողվելու է, միանգամից անցան պլան «Բ»–ի նախապատրաստական աշխատանքներին։ Նիկոլն այսօր իր արձակուրդն ընդհատելը ժողովրդի վրա ծախելով էր զբաղված։ Չի բացառվում, որ վիրուսի պատճառով չեղարկեն հանրաքվեն։ Քանի որ հասկանում են, որ մարդիկ օբյեկտիվ կամ սուբյեկտիվ պատճառով «ոչ» են ասելու Նիկոլ Փաշինյանի հանրաքվեին։

Թե ինչ վերջնական որոշում կկայացվի հանրաքվեի պահով, շուտով կերևա։ Իսկ մեկ այլ բան արդեն երևացել է։ Երևացել է նաև պողոսներից մեծ մասի համար։

Կորոնավիրուսի պատմությունը ցույց տվեց, որ արտակարգ իրավիճակներում կառավարությունը կա՛մ բան չի անելու և ամեն ինչ թողնելու է «մարդկանց բարձր պատասխանատվության գիտակցման վրա», կա՛մ իր արածները վնասելու են մեր պետությանը, ժողովրդին, այդ թվում՝ պողոսներին։

Կորոնավիրուսի տարածման վտանգի պայմաններում արձակուրդ վերցնելն ու քարոզի գնալը, քարոզվող ականջ ապահովելու համար մարդկանց հավաքներ կազմակերպելն ու այդպիսով վիրուսի հնարավոր տարածման մասշտաբները մեծացնելը, հանցավոր անպատասխանատվություն է, անգրագիտություն և հակապետական քայլ։ Դա նույնն է, որ Ադրբեջանը հարձակվի մեզ վրա, իսկ Նիկոլը արձակուրդ վերցնի ու թռնի պատասխանատվությունից՝ հայտարարելով, որ յուրաքանչյուրը պետք է պաշտպանվի թշնամուց սեփական բարձր ինքնագիտակցությամբ։ Ի դեպ, հենց այդպես էլ անելու է, եթե պատերազմ սկսվի։ Սա հիմա բոլորը տեսան ու հասկացան։

Սրանք բյուջեն թալանելուց ու սեփական կայֆերն ապահովելուց զատ այլ բանի ոչ ունակ են, ոչ էլ ցանկություն ունեն։

Պարզ է, չէ՞, որ պետությանը սպառնացող վտանգի դեպքում սրանք թռնելու են արձակուրդ» կամ էլ այնպիսի ախմախ որոշումներ են կայացնելու, որ վտանգն ավելի խորանա։

Կորոնավիրուսը վատ բան է, բայց դե չկա չարիք՝ առանց բարիք։ Քաղաքական վիրուսից ազատվելու համար միգուցե այդպիսի գին է պետք վճարել։

Կորյուն Մանուկյան