Փաշինյանը ռումբ է դնում իր տակը

Սահմանադրական փոփոխությունների՝ ապրիլի 5-ին կայանալիք հանրաքվեով, ըստ էության, դրվելու է ոչ միայն 7 դատավորի լիազորությունների դադարեցման հարցը, այլ անցած երեսուն տարինրի գնահատականի մասին փաստաթուղթը: Գորիսում հանրաքվեի քարոզարշավի ժամանակ հայտարարեց Նիկոլ Փաշինյանը, ավելի ուշ նաեւ հրապարակեց այսպես կոչված հռչակագիրը:

«Հանրաքվեի հռչակագիրը» արձանագրում է, որ 1995 թվականից մինչեւ 2018 թվականի Ոչ բռնի, թավշյա, ժողովրդական հեղափոխությունը տեղի ունեցած որեւէ համապետական ընտրությունների պաշտոնական արդյունքներ չեն արտահայտել ժողովրդի ազատ կամքը։ 1999 թվականի խորհրդարանական ընտրությունների արդյունքները, որոնք զրոյացել են 1999 թվականի Հոկտեմբերի 27-ի ահաբեկչությամբ, արտահայտել են ժողովրդի ցանկությունը։
Ինչպես նաեւ՝ <<Ժողովրդի ազատ կամարտահայտման սահմանափակմանը, այսինքն՝ ընտրողների կամքի նկատմամբ ապօրինի ազդեցության գործադրմանը, ընտրությունների արդյունքները կեղծելու գործընթացին զուգահեռ Հայաստանում սկսել է ձեւավորվել կոռուպցիոն համակարգ, որը վերաճել է Համակարգային կոռուպցիայի։ Այս երեւույթը Հայաստանում գոյություն է ունեցել մինչեւ 2018 թվականի Ոչ բռնի, թավշա, ժողովրդական հեղափոխությունը եւ արտահայտվել է համատարած կաշառակերությամբ, պետական ծախսերից ետվճարումների արատավոր համակարգով (ատկատներ), արհեստական տնտեսական մենաշնորհների հաստատմամբ, բիզնեսի եւ նախագահական, օրենսդիր, գործադիր, դատական իշխանությունների միախառնումով>>։

Հռչակագրում նույնաբովանդակ եւս չորս կետ է ներառված, որոնք եթե ամբողջացնենք մեկ մտքում, ապա կստանանք հետեւյալ պատկերը՝ նախկինում ոչ մի լավ բան չի կատարվել, մարդիկ չեն ծնվել, չեն ապրել, չեն ուրախացել, միայն եղել է թալան, կեղծիքներ, ապօրինություններ եւ ուրեմն պետք է փակել անցյալի էջը` նախեւառաջ գնահատական տալով դրան:

Մի քանի օր է հռչակագրի կետերը բուռն քննարկվում են համացանցում, հատկապես՝ այն մասով, որ կեղծված ընտրությունները փաստացի նա վերագրել է 1996 թվականին, երբ նախագահ ընտրվեց Լևոն Տեր-Պետրոսյանը:
Անգամ համեմատություններ, հաշվարկներ են արվում, դիցուք եթե Սերժ Սարգսյանի պաշտոնավարման 11 տարիներին բյուջեի թալանը եղել է 2-4 տոկոս, մասնավորապես, այդ հիմքով հարուցված քրեական գործերի համաձայն թալանը 65 միլիարդ դրամ է կազմում՝ այն է՝ 13 տրիլիոն բյուջեի 2,5-3 տոկոսը, մինչդեռ այսօր տարեկան կտրվածով իշխանությունների պարգեւավճարները բյուջեի 8 տոկոսն են կազմում, այսինքն տարեկան այս իշխանությունները ութ տոկոս են թալանում, մինդեռ նախկինները անցած 11 տարվա ընթացքում ընդամենը 2-4 տոկոս, այնպես որ այդ հռչակագիրը իշխանությունը լավ կանի ժամ առաջ ուղարկի գրողի ծոցը, քանի իր դեմ չեն ներկայացրել նման փաստաթուղթ:

Անի Սահակյան