Բուլղարիայում ՆԱՏՕ-ի զորավարժանքներ են սկսվել

Բուլղարիայի «Նովոյե սելո» ռազմաբազայում սկսվել են ՆԱՏՕ-ի համատեղ «Պլատինե առյուծ 16-3» զորավարժանքները, տեղեկացնում է «ՌԻԱ Նովոստին»:  «Պլատինե առյուծ 16-3» ուսումնավարժանքն ընթանում է «Սեւծովյան ռոտացիոն ուժեր 16.1» զորավարժության շրջանակում: Հաղորդվում է, որ զորավարժությանը 315 զինվորական կմասնակցի, այդ թվում` Բուլղարական բանակի ներկայացուցիչներ (90), ԱՄՆ-ի ծովային հետեւակի կորպուսի (150), Ռումինիայի զինված ուժերի (25), Մեծ Բրիտանիայի (40) եւ Ֆրանսիայի ներկայացուցիչներ (11):