Արցախում թեժ է, խաղաքարտերը կխառնվեն

Փետրվարի 26-ից Արցախում մեկնարկել է նախագահական եւ խորհրդարանական ընտրությունների քարոզարշավը: Մինչեւ քարոզարշավի մեկնարկն էլ կանխատեսվում էր, որ ակտիվ քարոզարշավ է լինելու՝ հաշվի առնելով թեկնածուների առատությունը եւ թեժ մրցակցությունը, բայց այսօր այն գրեթե պիկին է հասնում:

Արցախում քաղաքական եռուզեռ է, թեկնածուները պայքարի մեջ են տարբեր առումներով՝ նկարդային, դիրքային, ստրատեգիական եւ այլն: Այնուամենայնիվ 14 թեկնածուներից 3-ն են ֆավորիտ, որոնց միջեւ էլ կընթանա մրցակցությունը՝ նախկին վարչապետ Արայիկ Հարությունյանը, արտաքին գործերի նախարար Մասիս Մայիլյանը, Անվտանգության խորհրդի նախկին քարտուղար Վիտալի Բալասանյանը:

Արայիկ Հարությունյանը մինչեւ վերջին շաբաթներն անվիճելի առաջատարն էր: Նա իր ահռելի ֆինանսական ռեսուրսներով, նախկին կապերով կարողանում է ներկայանալի քարոզարշավ իրականացնել, սակայն այն, ըստ էության, շարունակում է նախկին ստանդարտ ոճում, երբ խոստումներից անդին չի անցնում: Վերջին օրերին էլ նյարդային լարվածություն է նկատվում Հարությունյանի հարցազրույցներում, չի բացառվում, որ փաստն այդ պայմանավորված է մրցակիցների վարկանիշով:

Վիտալի Բալասանյանն, օրինակ գրագետ, խիստ կառուցողական քարոզարշավ է վարում: Նրա դուխի եւ ՀՀ իշխանությունների հետ փոխհարաբերությունների մասին թերեւս տեղյակ են շատերը, սակայն իր պայքարը, որքան էլ զարմանալի է նա չտարավ ինչ որ մեկի, ինչ որ մարդկանց դեմ, այլ հանուն Արցախի ու արցախցում բարեկեցության: Բալասանյանն ավելի շատ պետականամետ քարոզչություն է իրականացնում՝ հարկ եղած դեպքում կլորացնելով սուր անկյունները: Կոնտակտի մեջ չի մտնում ՀՀ իշխանությունների հետ, նույնիսկ եթե նրան դա դրդում են:

Մյուս երեւացող ֆիգուրը Մասիս Մայիլյանն է, ով ունի Սամվել Բաբայանի աջակցությունը: Մասիս Մայիլյանը փորձում է «խաղն» իր ձեռքը վերցնել, դառնալ Փաշինյանի սրտի թեկնածուն, սակայն մինչ այս պահը նրա հովանավորչությունն իր վրա է վերցրել Հայաստանի թիվ մեկ սորոսական, ՌԴ ոխերիմ հակառակորդ ԱԱԾ պետ Արմեն Գրիգորյանը: Փաստն այդ թվում է՝ բավական է մերժելու նրան, բայց բավականին կազմակերպված աջակցություն է ցուցաբերվում նրան: Ամբողջ ինտրիգն այն է, որ Արայիկ Հարությունյանը ցանկանում է մեկ փուլով վերջացնել ընտրությունները, քանի նա ունի կայուն ընտրազանգված, որն անկախ ամեն ինչից իրեն ձայն է տալու: Մյուս կողմից՝ ամեն ինչ անում են երկրորդ փուլ տեղի ունենալու համար:

Ընտրական օրենսգիրքը սահմանում է, որ երկրորդ փուլ կարող է անցնել միայն երկու թեկնածու եւ այս դեպքում էլ հենց կարեւոր է, թե ում իրենց ձայնը կտան երկրորդ փուլ չանցած մյուս թեկնածուները: Այդ ժամանակ հնարավոր է շատ խաղաքարտեր խառնվեն, եւ հիմնովին փոխվի պրոցեսների ընթացքը:

Անի Սահակյան