Փաշինյանի զոհերը. նրանք երեխաներ են
Գյումրիում 13–ամյա աղջկա բարբարոսաբար ծեծի դաժան պատմությունը ցնցել է հասարակությանը: Երիտասարդը ծեծելով սպանել է զուգընկերուհուն՝ մահամերձ աղջկա մորը, իսկ 13-ամյա դեռահասը մաքառում է կյանքի եւ մահվան արանքում, Աստված նրան շուտափույթ առողջություն տա, բայց ողբերգական հերթական պատմությունից իշխանությունները պետք է հետեւություն անեն: Աղջնակը գիշերօթիկի սան է եղել, իսկ ամիսներ առաջ իշխանության թեթեւ ձեռամբ գիշերօթիկները փակվեցին, գիշերօթիկների սաներին ուղարկեցին տներով: Կառավարության այս որոշման դեմ մեծ ընդվզում բարձրացավ, քանզի կանխատեսելի էր, թե ինչ էր լինելու հետո, այդ հաստատություններում գտնվող երեխաների մեծ մասը զրկված էին նորմալ ընտանիքներից, ինչի պատճառով էլ գիշերօթիկում էին:Նույնիսկ եղան ծնողներ, ովքեր
կոչ արեցին՝ չփակել, քանզի իրենք տուն չունեն, որտեղ տանեն երեխաներին: Սակայն իշխանությունն անդրդվելի մնաց:
Առաջին ողբերգությունը տեղի ունեցավ ամիսներ առաջ՝ Կոտայքի մարզում, երբ տատիկի հետ միասին չորս երեխաները խեղդվեցն շմոլ գազից, նրանք եւս գիշերօթիկում էին մնում մինչեւ իշխանության հայտնի որոշումը: Ընտանիքը սոցիալապես անապահով վիճակում էր , գազի վառարանն ՝ անսարք:
Սակայն այս դեպքը եւս չսթափեցրեց իշխանություններին, որոնք, ըստ էության, որոշումները կայացնում են ոչ թե գլխով, այլ չգիտես՝ ինչով: Մոտ մեկուկես տարին ցույց տվեց, որ նրանք թավաներ զարկելուց, ասֆալտին պառկելուց բացի մեկ էլ մի բան են լավ անում՝ գանձագողությունը: Եռապատկել են իրենց աշխատավարձերը: Այս որոշման առաջնային պատասխանատուն, Աշխատանքի եւ սոցիալական հարցերի նախարար Զարուհի Բաթոյանը 8 ամսվա ընթացքում մոտ երեսուն հազար դոլարի պարգեւավճար է ստացել:
Ստացվում է, որ այսպիսի հակապետական որոշումներ կայացնող, երեխաներին բախտի քմհաճույքին թողած նախարարի համար պարգեւավճարների գումար կա, իսկ գիշերօթիկների կենսագործունեության համար չկա:
Ցավալին այն է, որ այս տխուր վիճակագրությունը կարող է շարունակություն ունենալ, իսկ զոհերի մեղքը, կրկին մնալու է իշխանության խղճին:
Հետևեք մեզ Viber-ում
