Նիկոլ ջան, մի օր դու ես ծեփում պատին, մի օր էլ քեզ կծեփեն. հայտնի ֆիզիկոս

 Սոցիալական մեդիայում արդեն երկու օր է, ինչ չեն դադարում մետրոյում <<Այո>>-ի քարոզչական բուկլետը պատառոտած և Նիկոլ Փաշինյանի երեսին շպրտած աղջկա մասին քննարկումները:

Պսեվդոհեղափոխականներն ամենատարբեր բառերով գնահատեցին կատարվածը՝ սկսած ամենավերջին հայհոյանքներից, վերջացրած անդաստիարակ ու պիցայակեր որակումներով: Ընդ որում, պաստառները պատռած աղջկա դաստիարակության և վարքագծի մասին դատողություն էին անում մարդիկ, ովքեր հրապարակավ հայհոյանք են գրում՝ դրանով իսկ ի ցույց դնելով իրենց դաստիարակության մակարդակը:

Ժամանակին, երբ Երևանի ավագանու ընդդիմադիր անդամներից մեկը կոյուղաջուրը Երևանի ավագանու նիստի ժամանակ լցրեց Երևանի այն ժամանակվա քաղաքապետի վրա, այս նույն զանգվածը կատարվածը գնահատում էր որպես բողոքի ակցիա:
Երբ հեղափոխությունից հետո զոմբիացված ամբոխը դագաղներ և ծաղկեպսակներ էր տանում նախկին բարձրաստիճան պաշտոնյաների տների մոտ, երբ մարդկանց բակերում սև ժապավեններ էին կապում, այս նույն զանգվածը հրճվանք էր ապրում: Երբ իշխանությունը, Նիկոլ Փաշինյանի գլխավորությամբ, շրջափակում էր դատարանների շենքերը և թույլ չէր տալիս, որ դատավորները մտնեն դատարանի շենք, դա նույնպես գնահատվեց որպես ակցիա:
Երբ ժամանակին ընդդիմադիր Նիկոլ Փաշինյանը պատառոտում էր նախկին նախագահ Սերժ Սարգսյանի պաստառները, դա ևս այսօրվա հեղափոխականները գնահատում էին որպես ժողովրդավարական ակցիա: Երբ այսօր ՖԲ-ում Փաշինյանի համար արյուն-արցունք թափող զանգվածը նախկին նախագահներին դիմում է <<Սերժիկ>> կամ <<Ռոբիկ>> ձևակերպմամբ, դա, չգիտես ինչու, դիտվում է ընդդիմադիր և խիստ հայրենանվեր կեցվածք և ոչ թե, ասենք, անդաստիարակություն կամ անհարգալից վերաբերմունք պետության հասցեին:
Հիմա ի՞նչ է պատահել. ինչո՞ւ եք հանկարծ դաստիարակության և պետականության բարոյախոսներ դարձել: Մարդն իր վերաբերմունքն է արտահայտել: Ընդամենը պատռել է իրեն տրված պաստառը և այն նետել նվիրողի երեսին՝ այդ կերպ մերժելով Փաշինյանի քորազած այո-ն:
Մենք, ինչպես նախկինում, այնպես էլ այժմ եղել և մնում ենք այն կարծիքին, որ պետական բարձր պաշտոն զբաղեցնող անձինք ներկայացնում են պետության դեմքը և համարվում են պետական ինստիտուտների խորհրդանիշները, հետևաբար նրանց նկատմամբ պետք է ցուցաբերել հարգալից վերաբերմունք՝ անկախ նրանից, թե ով է զբաղեցնում այդ պաշտոնը: Հակառակը, դիտարկում ենք անդաստիարակություն և անհարգալից վերաբերմունք պետության նկատմամբ: Բայց նույնպիսի անդաստիարակություն է նաև երկակի ստանդարտի կիրառումը: Եթե նախկինում նույնատիպ արարքը գնահատում էինք որպես քաջագործություն, ապա այժմ հանգիստ նստեք տեղներդ և իմացքեք, որ բումերանգի օրենքը սկսել է գործել:
Քամի եք ցանել, պատրաստ եղեք փոթորիկ հնձելու: Ֆիզիկայի հայտնի օրենքը հակազդեցության մասին գործում է անխտիր և հստակ ճշգրտությամբ:

Հայկ Դավթյան