Վանաձորում բախվել են Porsche Cayenne-ն ու 06-ը. կա վիրավոր
Ճանապարհային ոստիկանության 2-րդ սպայական գումարտակի 5-րդ վաշտի հետաքննիչ Ռոման Պետրոսյանի կողմից նյութեր են նախապատրաստվում մարտի 4-ին Լոռու մարզում տեղի ունեցած ավտովթարի փաստով: Ժամը 11:00-ի սահմաններում Վանաձոր քաղաքի Կ. Դեմիրճյան և Շիրակացի փողոցների խաչմերուկում բախվել են Վանաձոր քաղաքի Տարոն 2-րդ թաղամասի բնակիչ, 44-ամյա Սերգեյ Սաղումյանի վարած ВАЗ 2106 մակնիշի 34 FQ 560 համարանիշի և Վանաձոր քաղաքի Բաղրամյան 2-րդ պողոտայի բնակիչ, 47-ամյա Վազգեն Սուքիասյանի վարած Porsche Cayenne GTS մակնիշի 50 CG 550 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, հաջորդ օրը՝ մարտի 5-ին, Վանաձորի թիվ 5 համաբուժարան է դիմել 06-ի վարորդ Ա. Սաղումայնը, ով, պարզվել է՝ «կրծքավանդակի սալջարդ, կրծքոսկրի կոտրվածք» վնասվածք է ստացել: Դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի ծառայողները՝ վաշտի հրամանատար Սմբատ Նորեկյանի, դասակի հրամանատար Գարիկ Մարտիրոսյանի գլխավորությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 
Հետևեք մեզ Viber-ում
