Համաշխարհային սպեկուլյանտի ներկայացուցիչ Լարիսա Մինասյանը փորձում է անգամ փաստաթղթեր կեղծել մեր մասին. Հայկ Բաբուխանյան (video)
«ՍԻՄ» կուսակցության նախագահ, ԱԺ նախկին պատգամավոր Հայկ Բաբուխանյանի դիտարկմամբ՝ Թուրքիան Արցախյան հարցի կարգավորման մեջ իրեն դրսևորել է մշտապես չորրորդ կողմ՝ խառնվելով բանակցային գործընթացին: Այս մասին Անժելա Թովմասյանի՝ «Արմնյուզ» ՀԸ հեռարձակվող հեղինակային «Հայելու առաջ» հաղորդաշարի ժամանակ ասել է նա՝ անդրադառնալով Թուրքիայի ԱԳ նախարար Մևլութ Չավուշօղլու և ԵԱՀԿ Մինսկի խմբի համանախագահների հանդիպմանը:
Խոսելով ռուս-թուրքական հարաբերություններից՝ քաղաքական գործիչն ասել է. «Ռուս-թուրքական հարաբերությունները մշտապես լարված են եղել և մենք գտնվում ենք այս լարվածության կիզակետում: Մեր դիվանագիտության խնդիրն է՝ տիրող իրավիճակն օգտագործել ի նպաստ մեզ»:
Հարցին՝ կարողանո՞ւմ ենք մենք օգտվել իրավիճակից, Բաբուխանյանը պատասխանել է. «Մենք պետք է մեր հիմնական դաշնակցի՝ Ռուսաստանի հետ ազնիվ լինենք՝ ձգտելով ռուս-թուրքական հարաբերություններում չերևալ որպես կողմ՝ մտածելով մեր անվտանգության մասին»:
ՀՀ վարչապետ Նիկոլ Փաշինյանի կապանյան մամուլի ասուլիսի ժամանակ, վարչապետը հունից դուրս եկավ, երբ նրան հարց ուղղվեց իշխանության վերին օղակներում սորոսականներին պաշտոնների նշանակելու մասին: Պատասխանելով հարցին՝ վարչապետը «Իրավունք» թերթի լրագրողին հորդորեց իրենց թերթը հիմնողից հետաքրքրվել սորոսականների հետ հարաբերություններից: Հարցին՝ արդյոք այդ կոշտ քննադատությունը Ձեզ էր ուղղված, Հայկ Բաբուխանյանը պատասխանել է. «Անօրինական կերպով վարչապետի պաշտոնը զբաղեցնող անձը ինքնատիրապետման խնդիր ունի և գտնվում է շատ ծանր հոգեկան վիճակում: Եթե այդ վիրավորանքներն ուղղված էին մեզ, ապա նույն ձև մենք դա վերադարձնում ենք վարչապետին»:
Հայկ Բաբուխանյանը վստահ է, որ վարչապետը հունից դուրս եկավ այն պատճառով, որովհետև թե՛ ինքը, և թե՛ իր շրջապատի մարդիկ օգտվել ու օգտվում են «Սորոսի հիմնադրամից». «Սորոսականներն այն մարդիկ են, ովքեր զբաղվում են սորոսական գաղափարների տարածմամբ, այն է՝ ազգային արժեքների ոչնչացմամբ»:
Ըստ Հայկ Բաբուխանյանի՝ բոլոր բնագավառներում մենք այսօր խնդիր ունենք, իսկ ամենաշատը՝ տնտեսական ոլորտում. «Ինչո՞ւ է Նիկոլ Փաշինյանը մշտապես խոսում պետական դավաճանների մասին: Նիկոլ Փաշինյանն այնքան անվստահություն ունի սեփական թիմի նկատմամբ, որ սկսել է դավաճաններ փնտրել, որն էլ հանգեցնում է քաղաքական հետապնդման»:
Դիտարկմանը՝ սա կապ ունի՞ առաջիկայում սպասվող հանրաքվեի հետ, Բաբուխանյանը պատասխանել է. «Անընդհատ «ծամելու» նոր թեմաներ են գցում հանրության առաջ: Ի վերջո՝ այս թատրոնը դառնում է անհետաքրքիր»:
Հետևեք մեզ Viber-ում
