Վրաստանը կդառնա Եվրոպական միության անդամ. Մարգվելաշվիլի
Վրաստանի նախագահ Գեորգի Մարգվելաշվիլին հայտարարել է, որ Վրաստանը քայլեր է անում դեպի «եվրոպական ընտանիքը», այս մասին հաղորդվում է երկրի ղեկավարի պաշտոնական կայքում: Նման հայտարարություն նա արել է Եվրոպայի օրվան նվիրված համերգի ժամանակ: «Վրաստանը դարձել է անկախ 25 տարի առաջ, սակայն քայլերը, որպեսզի ազատ լինենք, մենք մինչ օրս շարունակում ենք ձեռնարկել: Մեր արժեքները և եվրոպական հասարակության արժեքները միանման են»,- ԹԵՐԹ.ամ-ի փոխանցմամբ՝ նշել է նա: Նախագահը հայտարարել է, որ դարերի ընթացքում Վրաստանը ստեղծել է այնպիսի մշակույթ, որն այժմ պետք է վերաճի ազգային համակարգի: Մարգվելաշվիլիի խոսքով, հասարակությունը և քաղաքական ղեկավարությունն անում են հստակ քայլեր դեպի «եվրոպական ընտանիք»: «Վրաստանը կդառնա Եվրոպական միության անդամ, ես վստահ եմ»,- նշել է վրաց նախագահը:
Հետևեք մեզ Viber-ում
