Մոլորակի ամենահարգված տղամարդկանց տասնյակում

Ռուսաստանի նախագահ Վլադիմիր Պուտինն ընդգրկվել է YouGov հետազոտական ընկերության կազմած մոլորակի ամենահարգված տղամարդկանց վարկանիշի առաջին տասնյակում: Այս մասին գրում է Gazeta-ն՝ վկայակոչելով Daily Mail-ը: Հարցման արդյունքներով, Պուտինը զբաղեցրել է վարկանիշի 6-րդ հորիզոնականը: Անցյալ տարի նա 11-րդ տեղում էր: Առաջին հորիզոնականը զբաղեցրել է Microsoft-ի հիմնադիր Բիլ Գեյթսը, երկրորդ տեղում ԱՄՆ նախագահ Բարաք Օբաման է, երրորդում՝ Չինաստանի առաջնորդ Սի Ցզինպինը: Չորրորդ եւ հինգերորդ տեղերում, համապատասխանաբար, դերասան Ջեքի Չանն ու գիտնական Սթիվեն Հոքինգն են: Վարկանիշում ներառվել են նաեւ Դալայ Լաման, Հռոմի Ֆրանցիսկոս պապը, Հնդկաստանի վարչապետ Ներանդրա Մոդին եւ Alibaba Group-ի ղեկավար Ջեք Ման: Ամենահարգված կին է ճանաչվել դերասանուհի Անջելինա Ջոլին: Ամենահարգված մարդկանց ընտրելիս հաշվի են առնում նրանց մարդասիրական գործունեությունը, ինչի մասին է վկայում այն, որ առաջին տեղերում քաղաքական գործիչներ չկան: