Որքան են վաստակել Ղրիմի ղեկավարն ու նրա կինը

Ղրիմի ղեկավար Սերգեյ Ակսենովը 2015 թ-ին վաստակել է 1.4 միլիոն ռուբլի: Այս թիվը 200 000 ռուբլիով քիչ է, քան 2014 թ-ին: Սա փաստում է Ղրիմի ղեկավարի եկամուտների մասին հայտարարությունը: Ակսենովը ունի 577.5 քառակուսի մետր տարածքով բնակարան, 607 քառակուսի մետր տարածքով հողամաս և բնակարան՝ 81.5 քառակուսի մետր տարածքով: Ղրիմի ղեկավարի տան և հողամասի սեփականատերը նրա կինն է: Բնակարանը նույնպես նրա անունով է գրանցված: Ակսենովի կողակիցն ունի ևս երկու բնակարան՝ ընդհանուր 96.9 քառակուսի մետր տարածքով, «BMW 750 LI XDRIVE» ավտոմեքենա, հինգ ոչ բնակելի տարածք՝  526 քառակուսի մետր տարածքով: Բացի այդ, Ղրիմի ղեկավարի կինն ունի 961 քառակուսի մետր տարածքով հողամաս: Ակսենովի կինը նախորդ տարի հայտարարագրել է 3.4 միլիոն ռուբլի եկամուտ: