Խոսում է ուրիշների զուգարաններից՝ չտեսնելով սեփականը/ լուսանկարներ

Այս տարվա Կառավարության առաջին նիստին, ՀՀ վարչապետ Նիկոլ Փաշինյանն անդրադարձել էր ՀՀ–ում գործող հանրային զուգարանների վիճակին: Նիկոլ Փաշինյանին զայրացրել էր զուգարանների վիճակը, և նա անգամ ասել էր, որ Հասարակական զուգարանների համար հաստատված նորմերը խախտողները կտուգանվեն, ընդհուպ` մինչև գործունեության կասեցում։ Փաշինյանը շեշտել էր, որ այս հարցը շատ կարևոր է երկրի վարկանիշի համար, և այն բարձր պահելու համար պետական մարմինները պետք է տնտեսվարողների հետ սկսեն խոսել ավելի կոշտ լեզվով։
Ինչպես ավելի վաղ հայտնել էինք՝ Պոտենցիալ ներդրողի ի սպառ բացակայության պատճառով՝ Տրանսպորտի նախարարության արդեն նախկին շենք ոչ միայն չի վաճառվում, այլև այնտեղ են տեղափոխվել առաջին փոխվարչապետ Տիգրան Ավինյանի աշխատակազմի մի մասը, վարչապետին կից տեղեկատվական ՊՈԱԿ-ը, որը հանրության շրջանում հայտնի է նաև «ֆեյքերի» ՊՈԱԿ:
Վերոնշյալ շենքը գտնվում է Կառավարության բալանսում և հատկանշական է, որ հանրային զուգարանների վիճակից բողոքող վարչապետը չի խոսում իր ենթակայության տակ գտնվող շենքի զուգարանների վիճակից: