«Նիկոլի լափամանն ու «հեղափոխական» օլիգարխները»
Փետրվարի 12-ին հայտնի դարձավ, որ Մհեր Անանյանը նշանակվել է Արարատբանկի գործադիր տնօրեն: Մհեր Անանյանը ՊԵԿ նախագահ Դավիթ Անանյանի եղբայրն է՝ հարազատ: Նա «Արարատբանկ» ԲԲԸ խորհրդի անդամ էր։ Նրան վարչության նախագահ դարձնելը ըստ մամուլի՝ բանկի ամենախոշոր բաժնետեր Բարսեղ Բեգլարյանի՝ Ֆլեշի Բարսեղի որոշումն է եղել։ Չի բացառվում, որ այս կերպ Բեգլարյանը նորերին սիրաշահելու , իր նկատմամբ քրեական գործերը կասեցնելու եւ հարկային պարտավորությունները մեղմացնելու հույսեր ունի:
Դավիթ Անանյանի եղբայրը՝ Մհեր Անանյանը, մինչև 2019 թվականի հունիսը զբաղեցնում էր ֆինանսների նախարարության գնումների բողոքարկման խորհրդի ղեկավարի պաշտոնը: Նրա ազատումը աշխատանքից մեկնաբանվեց որպես ֆինանսների նախարար Ատոմ Ջանջուղազյանի և ՊԵԿ նախարար Դավիթ Անանյանի միջև հակասությունների հետևանք։ Անդրադառնալով եղբոր պաշտոնանկությանը Անանյանը ասել էր, որ եղբայրն ավելի արժանավայել աշխատանք կստանա: Այսպիսով՝ նա չսխալվեց:
Հիմա մնում է հասկանալ՝ էլ ինչ հեղափոխություն, ինչ օլիգարխիայի անկում, ինչ ֆլան-ֆստան: Կար ժամանակ, երբ այս այսպիսի արատավոր բարքերը մերժելի էին ներկայիս իշխանությունների համար ու նաեւ այսպիսինները գեներացնելով իրականացավ Սերժին մերժելը: Իսկ մինչ այդ
կար մեկը, ով այսօր վարչապետի ամենաբարձր պաշտոնին է, ու ոչ վաղ անցյալում բղավում էր, ճչում, թե մարդիկ գերդաստաններով օգտվում են լափամանից, որ մեր՝ շարքայիններիս միջոցով ձեւավորված բյուջեն դարձել է որոշների լափը ու մարդկանց այդ խմբերն էլ անխնա են օգտվում դրանից:
Հիմա միթե նույնը չեն անում երեկ քննադատող, այսօր իշխանություն ստացածները: Եթե այդպիսի հնարավորություն էտրված անգամ նախկինից ժառանգություն մնացած Դավիթ Անանյանին, ապա կարելի է պատկերացնել, թե ինչ են անում զտարյուն հեղափոխականները:
Այսպիսով նախկինների ամենասրսուռ օլիգարխը՝ ի դեմս Ֆլեշի Բարսեղի գտավ իր քաղաքական տանիքը եւ այսուհետ ոչ մեկ մեզ չի կարող համոզել, որ նա բարեխղճորեն բյուջե է վճարելու հարկեր, եթե նա լիներ այդպիսին, ապա կաներ առանց քաղաքական հովանավորների, առանց Անանյանը եղբորը պաշտոն շնորհելու:
Անի Սահակյան
Հետևեք մեզ Viber-ում
