Նավթի արդյունահանման սառեցմանը Իրանը պատրաստ է միանալ

«ՌԻԱ Նովոստին» հայտնում է,որ  իրանական Press TV հեռուստաալիքի հղումով, իրանական ազգային նավթային NIOC ընկերության ներկայացուցիչը հայտնել է Թեհրանի պատրաստակամության մասին` միանալու արդյունահանման ծավալների սառեցմանը, որովհետեւ Իրանն արդեն հասել է արտադրության ցանկալի մակարդակին: NIOC-ի միջազգային կապերի տնօրեն Մոհսեն Կամսարին հայտնել է, որ Իրանն արդեն հասել է արդյունահանման նպատակային ցուցանիշի. վկայակոչելով ՕՊԵԿ-ի հաշվարկները, նա հայտնել է օրական  4,2 մլն բարել թիվը: «Համապատասխանաբար, թիվը, որին ձգտում էր նավթի նախարար՝Բիջան Զանգանեն , ձեռք է բերվել, եւ մենք կարող ենք միանալ նավթի արդյունահանման սառեցման պլանին», — ասել է նա: Միաժամանակ Կամսարին նշել է, որ հարցի վերաբերյալ վերջնական որոշում պետք է կայացնի նախարարը: