Փաշինյանը բավարարված է Քոչարյանին կալանքի տակ պահելու հաճույքից, իսկ նոր հրապարկված փաստերը այլ բան են ասում Մարտի 1-ի մասին

politik.am կայքը Մարտի 1-ի իրադարձությունների վերաբերյալ նոր տեսանյութեր է հրապրակել, որոնք լրացուցիչ հարցեր են առաջացնում կապված 10 զոհերից առանվազն 3-ի սպանության բացահայտման և այդ օրերի ողբերգության հետ ընհանրապես:

Այդ օրերին ցույցերը առաջնորդողները, որոնց մեկն էլ աժմյան վարչապետ Նիկոլ Փաշինյանն է, պնդում էին, որ ցուցարարների շարքերում չեն եղել զինված անձիք։ Մինչդեռ այն ժամանկվա նախագահ, այժմ Մարտի 1-ի գործով մեղադրյալ ՀՀ նախագահ Քոչարյանը բազմիցս հրապարակավ պնդել է, որ ցուցարարների մեջ եղել են զինված մարդիկ, որոնք կրակել են և ստիպել ուժայիններին գնալ գործողությունների, որպեսզի իրադարձությունը առավել ողբերգական ընթացք չստանան։
Դեռ ամիսներ առաջ, politik-ը հրապարակել էր մի տեսանյութ, որում պարզ երևում էր, որ ցուցարարների միջից մարտական զենք կրողներ են եղել, որոնք նաև կրակել են ։
Հրապարակված նոր տեսանյութերից պարզվում է, որ Մաշտոցի պողոտայում, Պարոնյան և Լեո փողոցներում այլ զինված անձիք ևս եղել են։ Տեսանյութերից մեկում զինված անձը, ցուցարարների շարքերից դեպի ոստիկանության կողմ կրակահերթ է արձակում դեպի օդ ։
Ի դեպ այս երկու դեպքում էլ տեսանյութում արձանագրված են մինչ արտակարգ դրություն հայտարարելը Երևան քաղաքում առկա դրությունը։ Այսինքն քաղաքացիների շարքերում եղել են մարտական զինված զենքով անձինք, որոնց գործողությունների շարունակականությունը կարող էր անդառնալի հետևանքներ բերել, եթե պետությունը չմիջամտեր։
Կա վարկած, որ զինված քաղաքացիների գործողությունների տարածքում են զոհվել մարտի մեկի երեք զոհերը՝ Տիգրան Էդիկի Աբգարյան (ստացել է հրազենային միջանցիք վիրավորում, գնդակը չեն գտել), Գրիգոր Հովհաննեսի Գեւորգյան (ստացել է հրազենային միջանցիք վիրավորում, գնդակը չեն գտել), Հովհաննես Ղարիբի Հովհաննիսյան(ստացել է հրազենային վիրավորում, մարմնից դուրս է բերվել 5,45 տարամչափի գնդակ)։
Ի դեպ մարտի 1-ին իրենց բնակարաններում գտնվող Լեո փողոցի բնակիչներից ոմանք ևս վիրավորվել են: Բացառել, որ այդ վիրավորումները կարող էին լինել օդ կրակող քաղաքացիների գործողություններից, տրամբանական չէ։
Թե ո՞ւմ է ձեռնտու այս կադրերը հատկապես հիմա հրապարակելը, ինչո՞ւ դրանք 10 տարի շարունակ հրապարակ չէին նետվում, քննարկման առանձին թեմա է: Բայց փաստը, որ ոչ ոստիկանական համազգեստով զինված անձիք կրակել են, ամենակարևորն է և սա պետք է դառնա Մարտի 1-ի սպանությունների բացահայտման հիմնաքարը: Ովքե՞ր են եղել այս կրակողները` քաղաքացիական համազգեստով ուժայիննե՞ր, ցուցարարնե՞ր, թե՞ սադրիչներ, պարզ չէ, բայց փաստ է, որ նրանք եղել են:
Պետք է արձանագրել, որ անցած 10 տարիներին նախորդ իշխանությունները բավարար չափով հանրությանը չեն իրազեկել, թե ինչ է արվել այս անհայտ կրակողներին հայտնաբերելու ուղղությամբ: Թերևս ոչինչ էլ չի արվել, այլապես այդ մասին տեղեկատվությունը որևէ կերպ հրապարակված կլիներ: Բայց նաև փաստ է, որ այսօր ևս այդ ուղղությամբ ոչինչ չի արվում: Օրվա իշխանությունը լիովին բավարարված է Ռոբերտ Քոչարյանին կալանքի տակ պահելու հաճույքից: Բայց Քոչարյանին կալանավորելը ամենևին էլ չի նշանակում Մարտի 1-ի սպանությունների բացահայտում: Այօսրվա խնդիրը ոչ թե սպանությունների բացահայտումն է, այլ Քոչարյանին կալանված պահելը:

Հայկ Դավթյան