Որ «մուծվում ա» Աննային, էլ հարկերը ո՞նց մուծի

ՀՀ վարչապետ Նիկոլ Փաշինյանի տիկին Աննա Հակոբյանը, 2018 թվականին որպես ՀՀ վարչապետի առաջին տիկին հիմնել է «Իմ քայլը» և «City of smile» կամ «Ժպիտների Քաղաք» բարեգործական հիմնադրամները: «City of smle» կամ «Ժպիտների Քաղաք» բարեգործական հիմնադրամի նպատակն է օգնել քաղցկեղ և արյան հիվանդություններ ունեցող անձանց, ինչպես նաև նպաստել Հայաստանում ուռուցքաբանության և արյունաբանության զարգացմանը: Մամուլում բազմիցս գրվել է, որ նախկին ու ներկա օլիգարխները պարբերաբար դրամական խոշոր փոխանցումներ են անում այս ֆոնդերին: Ինչը նաև հաստատվեց այն բանից հետո, երբ հիմնադրամը հրապարակեց իր նվիրատուների ցանկը: Գործարար, նախկին պատգամավոր Սամվել Ալեքսանյանը, ով համարվում է «Նոր Հայաստանի սրտի օլիգարխ» նվիրատուների ցանկի առաջամարտիկներից է՝ իր ընտանիքին պատկանող բազմաթիվ կազմակերպություններով:
Ուշագրավն այն է, որ մինչ Ալեքսանյանը «մեծ ուրախությամբ» մուծումներ է կատարում այս ֆոնդերին, ՊԵԿ-ը «Չկատարված հարկային պարտավորությունները գանձելու մասին» վարչական վարույթ է հարուցում սույն օլիգարխին պատկանող «ԱԼԵՔՍ գրուպ»-ի նկատմամբ: