Դեմիրճյանի ապտակը Փաշինյանին

Փետրվարի 17-ին մեկնարկել է սահմանադրական հանրաքվեի քարոզրշավը, իշխանությունը դեռ լուռ է, երեւի թե գցում-բռնում են, թե ինչ քարոզարշավ իրականացնել, որը մարդկանց ընտրատեղամաս կհասցնի: Քանզի դժվար թե իրեն հարգող մարդը մեկ մարդու պաշտոնանկության հարցով կազմակերպված հանրքավեին ցանկություն ունենա մասնակցել, եթե այդ ամենը չփաթեթավորվի նախկինների դեմ պայքարի տեսքով:

Մինչ իշխանությունը գործի կանցնի, ասպարեզ է հանել իր խղճուկ արսենալը: Ինչպես ժամանակին Սերժ Սարգսյանն ուներ քաղաքական ուժերի հարվածային մի ողջ գործիքաշար, այնպես էլ Նիկոլ Փաշինյանը: Այս ռեսուրսի գոյության առաքելությունն առիթից առիթ իրենց մասին հիշեցնելն է, ներկա գտնվելը: Այսպիսով՝ սահմանադրական հանրաքվեի աջակցության մասին հայտարարություն էր տարածել Հայաստանի Ժողովրդական կուսակացությունը՝ ի դեմս Ստեփան Դեմիրճյանի: <<ՀԺԿ-ն նպատակահարմար է համարում Սահմանադրական Դատարանի շուրջ ստեղծված իրավիճակի հանգուցալուծումը հանրաքվեի միջոցով և կողմ է ԱԺ-ի կողմից ներկայացված սահմանադրական փոփոխության առաջարկին:
Միևնույն ժամանակ՝ նկատի ունենալով, որ սահմանադրական հանրաքվեները մեր երկրում մշտապես կեղծվել են, ՀԺԿ-ն անհրաժեշտ է համարում նոր Սահմանադրության ընդունումը>> նշված է հաղորդագրության տեքստում:

Թե ինչու է նպատակահարմար գտնում, իհարկե, լավ կլիներ բացատրեր, որպեսզի մենք ու մյուսներն էլ հասկանայինք, թե ինչ է հասկացել պարոն Դեմիրճյանը կամ այս հարցում ով է նրան հասկացրել: Բայց նկատենք, որ պարոն Դեմիրճյանը կողմ ըլլալով խայտառակել է Փաշինյանին՝ հիշեցնելով ընդհանուր Սահմանադրության եւ դրա փոփոխության անհրաժեշտության մասին: Դեմիրճյանը մոտավորապես ակնարկել է, որ դուք չէիք պնդում, որ բոլոր ընտրություններն ու հանրաքվեները կեղծվել են, բա ինչու ամբողջ Սահմանադրությունը չեք փոխում, փոխում եք մի կոճակը:

Պոռթկում է ապրել նաեւ Նիկոլ Փաշինյանի մեկ այլ երկրպագու Արամ Սարգսյանը.<<Ժողովուրդը պահանջեց, և Սերժ Սարգսյանը հեռացավ։ Ժողովուրդը պահանջեց, և ԱԺ-ն լուծարվեց։ Ժողովուրդը չի վստահում և պահանջում է, որ ՍԴ այս կազմը հեռանա։ <<Ոչ>>-երը պնդում են, որ ժողովուրդը չի պահանջում։ Իշխանությունը հարցը դնում է հանրաքվեի՝ պարզելու պահանջու՞մ է ժողովուրդը, թե՞ ոչ։ Չեմ հասկանում՝ ինչի՞ն համաձայն չեն <<Ոչ>>-երը>>,-գրել է նա:

Բայց ինչպես նկատում եք` դեռ խուսափում է իր աջակցությունը բացահայտ հայտնել հանրաքվեին, մասնակցել քարոզչությանը: Պարոն Սարգսյանի անկեղծությունը պետք է գնահատել, մարդ, ով նախկինում էլ Սերժ Սսարգսյանին էր հարկ եղած դեպքում թեկուզ ոչ բացահայտ օգնության հասնում, չի կարող կեղծել եւ նախկինների դեմ բացահայտ քարոզչություն անել: Միայն թե կարիք կա պարզաբանելու՝ ով է իշխանությանը թույլ տվել մեր հաշվին ստուգել ժողովուրդը պահանջում է, թե չի պահանջում: Միգուցե վաղն էլ պահանջի՝ ուզում են կախել նախկիններին, թե չեն ուզում, եթե սա է ժողովրդավարության ճանապարհը, ապա կարելի է կարեկցել այդ ճանապարհը կերտողներին:

Անի Սահակյան