Վաճառքի է հանվել Յանուկովիչի ինքնաթիռը

Ուկրաինայի նախկին նախագահ Վիկտոր Յանուկովիչի «Agusta AW139» ուղղաթիռը «Մեժիգորյե»-ից աշխատանքի` Կիևի կենտրոն էր տեղափոխում նախագահին: Ուղղաթիռը հայտնվել է վաճառքում: Այս մասին են վկայում միջազգային ավիաբրոքերների կայքերում առկա տվյալները: Ուղղաթիռի վաճառքով զբաղվում են երկու ընկերություններ` Շվեյցարիայում գրանցված «Sparfell & Partners»-ը և ամերիկյան «SkyQuest International»-ը: Ուղղաթիռի արժեքը նշված չէ: Շվեյցարական «Sparfell & Partners»-ի կայքում բերվում է ուղղաթիռի նկարագրությունը: Մասնավորապես նշվում է, որ ուղղաթիռը նախատեսված է 6 մարդու համար, ունի 2 կաշվե բազմոց` VVIP դասի, ժամանցի կենտրոն, արբանյակային ռադիո, հեռուստատեսություն և հեռախոսակապ, հանգստի անկյուն, աղմուկի նվազեցման համակարգ: Երբ Յանուկովիչը նախագահ էր, նա վարձով վերցրել էր ուղղաթիռը «Ցենտրավիա» ընկերությունից: Այն ժամանակ նշվում էր, որ վարձի գումարը կազմում էր տարեկան 915 հազար դոլար: