Կորոնավիրուսն ու Արմեն Սարգսյանը

Աշխատանքային այցով Մյունխենում գտնվող` Հայաստանի Հանրապետության նախագահ Արմեն Սարգսյանը հանդիպել է Առողջապահության համաշխարհային կազմակերպության գլխավոր տնօրեն Թեդրոս Ադհանոմ Հեբրեյեսուսի հետ։ ԱՀԿ գլխավոր տնօրենը ներկայացրել է կորոնավիրուսի հետևանքով աշխարհում ստեղծված իրավիճակը, դրա հետ կապված վտանգների, վիրուսի դեմ պայքարի և տարածման կանխարգելման ուղղությամբ իրականացվող միջոցառումները: Այդ համատեքստում, ինչպես նշվում է ՀՀ նախագահի լրատվկան ծառայության հաղորդագրության մեջ, զրուցակիցներն անդրադարձել են նաև Հայաստանին: Նշվել է` լուրջ քայլեր են ձեռնարկվում կորոնավիրուսային վարակի կանխարգելման, մեր երկիր դրա ներթափանցումը թույլ չտալու ուղղությամբ:
«Ամերիկայի ձայն»-ի հաղորդմամբ` Չինաստանից վերջին օրերին ստացվում են չափազանց մտահոգող տեղեկություններ կորոնավիրուսի մասին: Հայտարարվում է, որ այնտեղ հայտնաբերվել է հիվանդության եւս 1800 դեպք:
Վերջին տվյալների համաձայն, կորոնավիրուսով վարակված անձանց թիվը հասել է 63 922-ի: Չինաստանում գրանցվել է մահացությունների նոր 122 դեպք, ինչը բոլոր մահացածներին թիվը հասցնում է 1381-ի: Հայաստանում վիրուսից մահացության դեպք, բարեբախտբար չի գրանցվել:
Դրան Զուգահեռ Հայաստանյան լրատվամիջոցներն ու պաշտոնական աղբյուրները փաստում են, որ 2020 թ-ի հունվարի 1-ից մինչև այսօր Հայաստանի զինված ուժերում մահվան 14 դեպք է գրանցվել:
Այս երկու ցավալի իրողություններն ունեն նմանություն. երկու դեպքում էլ մարդիկ են զոհվել` մի դեպքում Չինաստանում, մյուս դեպքում` Արցախում և Հայաստանում:
Իսկ տարբերությունը կայանում է նրանում, որ Չինաստանում կորոնավիրուսի հետևանքով գրանցված մահացությունների դեպքերի նկատմամբ ՀՀ նախագահ Արմեն Սարգսյանը հետաքրթություն է ցուցաբերել, ինչը տեղի չի ունեցել ՀՀ զինված ուժերում արձանագրված մահվան դեպքերի պարագայում:
Չնայած, որ Արմեն Սարգսյանը ՀՀ նախագահն է և ի պաշտոնե համարվում է ՀՀ սահմանադրության երաշխավորը: Բայց արի ու տես, որ մարդն ավելի մտահոգ է կորոնավիրուսի հետևանքով աշխարհում ստեղծված իրավիճակով, քան թե ՀՀ զինված ուժերում մեկը մյուսին հաջորդող սպանություևններով և ինքանասպանություններում: Եվ թող որևէ մեկը չասի, թե նախագահը լիազորություններ չունի զինված ուժերի գործին միջամտելու: Նախագահը լիազորություն չունի նաև կորոնավիրուսի հետևանքով աշխարհում ստեղծված իրավիճակի վրա ազդելու, բայց դա չի խանագարում, որ Արմեն Սարգսյանն առնվազն հետաքրքրվի կորոնավիուսով: Հետևաբար ՀՀ զինված ուժերի հարցերով Արմեն Սարգսյանը միշտ կարող է հետաքրքվել ու մտահագվել` ի շահ մեր զինվերների ու բանակի, եթե իհարկե, չի մոռացել , որ ինքը ոչ թե Չինաստանի, այլ Հաաստանի նախագահն է:
Հայկ Դավթյան