Մուսուլմանը դարձավ Լոնդոնի քաղաքապետ

Լոնդոնի քաղաքապետ է ընտրվել լեյբորիստ Սադիկ Հանը, ով պատմության մեջ կմտնի որպես այդ պաշտոնում առաջին մուսուլմանը, հայտնում է RIA Novosti-ն: Էթնիկ պակիստանցի Հանը 46 տարեկան է, բանվորական ընտանիքից: Նրա հայրը եղել է ավտոբուսի վարորդ: Հանը իրավաբան է, մասնագիտացած մարդու իրավունքների մեջ: 2008-09 թվականներին նա զբաղեցրել է տեղական ինքնակառավարման նախարարի պաշտոնը: 2009-2010 թվականներին նա աշխատել է որպես տրանսպորտի նախարար: 2013 և 2015 թվականներին Հանը Բրիտանիայի մուսուլմանների մեջ անվանվել է «տարվա քաղաքական գործիչ»: Նրա ծրագրի հիմնական կետերն են հանդիսանում բնակելի շինարարության զարգացումը, սոցիալական ոլորտը, հասարակական տրանսպորտային ծառայությունների գնաճի սահմանափակումը, ինչպես նաև Հիթրոու օդանավակայանի ընդարձակման պլանից հրաժարումը: