Խայտառակություն. Նիկոլ Փաշինյանը հասավ կեղտոտ վարտիքին

ԱԺ–ում պատգամավորների հետ հարցուպատասխանի ընթացքում, անդրադառնալով բանակում տեղի ունեցող դեպքերին, ՀՀ վարչապետ Նիկոլ Փաշինյանն հայտարարել է, որ բանակում միջանձնային հարաբերությունների խնդիրը բացահայտելու համար պետք է գնալ ու տեսնել, թե ինչ է տեղում կատարվում։

«Ընդհուպ ԱԺ–ում, ինչ–որ միջավայրերի մասին խոսելիս, ասում են` դե գիտեք, այս գողական ապրելակերպը մեր ազգային ավանդույթների և ազգային ինքնության պահպանման համար շատ կարևոր է։ Ես զարմացած եմ։ Մենք բանակում ի՞նչ խնդիր ունենք։ Մենք վարտիքի փոխելու խնդիր էինք դրել։ Վարտիքները փոխվեցին, հետո լվացքի մեքենաներով ապահովվեցին զորամասերը։ Հետո պարզվեց, որ մեր զինվորների արժանապատվության համար պրոբլեմ է, երբ որ իրենց վարտիքը լվացքի մեքենայում հայտնվի ուրիշի վարտիքի հետ»,– նշեց Փաշինյանը։

Նրա խոսքով` այդ հարցը զինվորների միջև մեծ պարզաբանման խնդիր կարող է դառնալ։
Փաշինյանը շեշտեց, որ իր համոզմամբ` բանակում տիրող բարքերը քրեական ենթամշակույթի արտահայտությունն են, որոնք լայնորեն տարածված են նաև ՔԿՀ–ներում ու որտեղից էլ դուրս են գալիս հասարակություն։
Այն, որ բանակն ունի բազմաթիվ խնդիրներ, փաստ է: Այն, որ արատավոր բարքերը բանակում միշտ եղել են լրջագույն մարտահրավեր և այսօր էլ այդպես է, նույնպես փաստ է: Բայց այն, որ երկրի ղեկավարը Աժ ամբիոնից բանակում կատարված ողբերգական դեպքերի մասին կխոսի կեղտոտ վարտիքին հավասար մակարդակով, պարզապես խայտառակություն է:
Շատ հետաքրքիր է`եթե բանակում կատարված վերջին դեպքերը դեռևս նախաքննության փուլում եմ, դեռևս չեն պարզվել բոլոր հանգամանքները, վերջապես չկա դատարանի որոշում, Փաշինյանը որտեղի՞ց է վերցրել, որ մահվան դեպքերի պատճառը կեղտոտ վարտիքների լվանալն է եղել: Փաշինյանը դատախա՞զ է, դատավո՞ր, թե՞ քննիչ: Վերջապես, բոլոր խնդիրներով հանդերձ բանակը մեր երկրի ամենակայացած համակարգերից մեկն է, դա մեր եզակի պարծանքն է, պետության խորհրդանիշը. ուղղակի չի կարելի, անթույլատրելի է բանակի խնդիրների մասին խոսելիս օգտագործել կեղտոտ վարտիք հիշեցնող խոսքի նշաձող:
Հարգարժան հեղափոխականներ, բացատրեք վարչապետին` հեռու մնա զինվորների կեղտոտ վարտիքներից, իսկ բանակի խնդիրներով զբաղվի լրջորեն` չմոռանալով, որ բանակն ունի նաև փակ ու հրապարակման ոչ ենթակա հարցեր:

Հայկ Դավթյան