Ֆեյքերը շարունակում են «սատարել» Նիկոլ Փաշինյանին. 190 «սրտիկող» ֆեյք կապանյան ասուլիսից

Հունվարի 25-ին ՀՀ վարչապետ Նիկոլ Փաշինյանը Կապանում ասուլիս էր հրավիրել, որտեղ «100 փաստ Նոր Հայաստանի մասին» շարքը ներկայացնելուց հետո պատասխանում էր լրագրողների հարցերին: Եվ ինչպես նախկինում, այդ օրն էլ վարչապետի ուղիղ եթերում «ֆեյքային հրավառություն» էր:

Նիկոլ Փաշինյանի ասուլիսի ընթացքում ուղիղ եթերի տեսանյութը կազմակերպված ձևով հավանել են մի քանի հարյուր կեղծ օգտահաշիվներ: Վերջիններիս գործողությունները նպատակ ունեն հանրային բարձր աջակցության շղարշ ստեղծել սոցիալական տիրույթում, ինչպես նաև արհեստական ձևով պահպանել Նիկոլ Փաշինյանի` նախկինում ունեցած ռեյտինգը: Նյութը հավանելուց բացի` ֆեյքերը նաև մեկնաբանություններ են թողնում տեսանյութի ներքո, որոնք «աշխատում են» մի քանի հիմնական ուղղություններով.

- դրանց գերակշիռ մեծամասնությունն իրենց աջակցությունն ու սերն են հայտնում իրենց սիրելի վարչապետին,
- հայհոյում և վիրավորում են այն իրական օգտատերերին, որոնք քննադատական մեկնաբանություններ են թողնում,
- հայհոյանքներ են տեղում նախկին իշխանությունների և Նիկոլ Փաշինյանի ընդդիմախոսների հասցեին,
- վիրավորում, հայհոյում և անիծում են հարցեր տվող լրագրողներին:

AntiFake.am-ը ուղիղ եթերի ընթացքում իրականացրել է կեղծ օգտահաշիվների մոնիթորինգ, որի արդյունքները ներկայացնում ենք 2 կատեգորիայով.

1. Նիկոլ Փաշինյանի ասուլիսի ֆեյսբուքյան ուղիղ հեռարձակման տեսանյութը «Love» նշանով հավանած 190 կեղծ օգտահաշիվներ,
2. Նույն տեսանյութին մեկնաբանություն (comment) թողած 90 կեղծ օգտահաշիվներ (կներկայացնենք հաջորդ հրապարակմամբ)։

Ցանկում առանձնացված են միայն ակնհայտ կեղծ օգտահաշիվները, որոնք Ֆեյսբուքի սահմանած բոլոր չափանիշներով դասակարգվում են կեղծ օգտահաշիվների շարքին։

Ստորև ներկայացնում ենք ուղիղ եթերի գրառումը «Love» նշանով հավանած 190 կեղծ օգտահաշիվ:

Հետգրություն. Եթե հրապարակված ցուցակում առկա են իրական օգտահաշիվներ, ապա խնդրում ենք գրել AntiFake.am-ի ֆեյսբուքյան էջին օգտահաշիվը նույնականացնելու և ցուցակից հեռացնելու համար։

Մանրամասները` antifake.am