Թուրքական ԶԼՄ-ները հերքում են իրենց փակվելու մասին լուրերը

Ինչպես տեղեկացնում է CNN Turk-ը,  թուրքական լրատվամիջոցները տեղեկություններ են տարածել «Զաման» թուրքական թերթի, Zaman.com.tr կայքի, «Ջիհան» լրատվական գործակալության, Küre.tv-ի և այլ լրատվամիջոցների փակվելու մասին։ «Զաման» թերթի ներկայացուցիչը հերքել է այդ տեղեկությունը՝ ավելացնելով, որ իրականում լրատվամիջոցը ոչ թե փակվելու, այլ ընդլայնվելու է։ Ավելի վաղ նույն ձևով՝ նախ պետական կառավարիչներ էին նշանակվել, ապա փակվել էին «Իփեք» մեդիահոլդինգին պատկանող բոլոր թերթերն ու հեռուստառադիոընկերությունները։ Այդ ժամանակ փակվել էին «Քանալթուրք»-ը, «Բիրգյուն» TV-ն, համանուն թերթը, «Միլլեթ» թերթը, «Քանալթուրք» ռադիոկայանը։