Սխալը սխալի հետևից` Նիկոլ Փաշինյանի խուճապը

Սահմանադրական դատարանի նախագահի և դատավորների դեմ արշավը հասավ հակասահմանադրական գագաթնակետին: Նիկոլ Փաշինյանը խուճապից սխալը սխալի հետևից է կատարում: Սահմանադրությունը առանց հանրաքվեի, առանց ՍԴ համաձայնության, առանց նախագայի վավերացման փոխելու խայտառակ օրինագիծը շատ արագ հանվեց օրակարգից և արտահերթ նիստի օրակարգ մտցվեց մեկ այլ գլուխգործոց:
Ազգային ժողովի «Իմ քայլը» խմբակցության 37 պատգամավորներ, խիստ խորհրդանշական թիվ` ստալինյան ժամանակները հիշեցնեղ, առաջարկում են փոփոխություն կատարել Սահմանադրությունում, որով նախատեսվում է ՍԴ նախագահ Հրայր Թովմասյանին ու Սահմանադրական դատարանի անդամներին պաշտոնակ անել:
Առաջարկվում է Սահմանադրության մեջ ամրագրել հետեւյալը՝ դադարեցնել մինչև Սահմանադրության 7-րդ գլխի ուժի մեջ մտնելը նշանակված Սահմանադրական դատարանի նախագահի և անդամների պաշտոնավարումը:
Հիշեցնենք, որ միայն ՍԴ դատավոր Վահե Գրիգորյանն ու Արման Դիլանյանն են ընտրվել Սահմանադրության 7-րդ գլխի ուժի մեջ մտնելուց հետո: Սա նշանակում է, որ այս փոփոխությունները կյանքի կոչվելու դեպքում ՍԴ նախագահի Հրար Թովմասյանի և ՍԴ մյուս դատավորների պաշտոնավարման ժամկետը կդադարեցվի:
Ազգային ժողովում ձայների երկու երրորդ, այսինքն 88 կողմ ձայն է պահանջվելու այս նախագիծն ընդունելու համար: Իմ քայլ-ի պատգամավորները հենց այդքան են: Բայց այս ընթացքում ԱԺ ընդդիմադիր «Լուսավոր Հայաստան» և «Բարգավաճ Հայաստան» խմբակցությունները կունենան ՍԴ դիմել` պարզելու այդ նախագծի սահմանադրականությունը: Բացի այդ, ԱԺ-ից հետո օրենքի նախագիծը պետք է ստորագրի նախագահ Արմեն Սարգսյանը, ով իրավունք ունի դիմելու միջազգային կառույցների փորձագիտական կարծիքին: Իսկ ամենակարևորը` նախագահի վավերացումից հետո, եթե այդպիսի բան կատարվի, օրենքը պետք է դրվի համաժողովրդական հանրաքվեի: Որպեսզի հանրաքվեի արդյունքներով ՍԴ նախագահին և դատավորներին պաշտոնանկ անելու օրինագիծը հաստատվի, պետք է ստանա առնվազն ընտրողների 1/4-րդ-ի կողմ ձայները: Հայաստանում ընտրելու իրավունք ունեցող քաղաքացիների թիվը 2մլն 590 հազար է, այսինքն` մոտ 650 հազար ձայն է պահանջվելու:
Բայց մինչ դրան հասնելը դեռ կա գործընթացի իրավաչափությունը հիմնավորելու և վերջապես Հայաստանի բռնապետացումից փրկելու առողջ պետականամետության խնդիր:
Ժամանակաչափը միացված է:

Հայկ Դավթյան