Հերթական տհաճ անակնկալը ավտոներկրողներին

Պետական եկամուտների կոմիտեն հայտարարություն է տարածել, համաձայն որի, անձինք, ովքեր 2019 թվականի հունիսի 29-ից հետո այլ ֆիզիկական անձանց օտարել են 365 օրվա ընթացքում ձեռք բերված ավտոմեքենա, պարտավոր են մինչև 2020 թ. ապրիլի 20-ը վճարել եկամտային հարկ՝ օտարված ավտոմեքենայի պայմանագրային արժեքի 1% -ի չափով: Վճարվող գումարը չի կարող լինել պակաս, քան ավտոմեքենայի շարժիչի յուրաքանչյուր ձիաուժ հզորության համար 150 դրամը, իսկ շարժիչի հզորությունը կիլովատերով արտահայտված լինելու դեպքում՝ համապատասխան հզորության նկատմամբ կիրառվում է 1.36 գործակից։
ՊԵԿ-ը նաև պարզաբանել է, որ, նվիրատվության գործարքը նույնպես համարվում է օտարում, որի մասով ևս առաջանում է եկամտային հարկ հաշվարկելու և վճարելու պարտավորություն։
Սա հերթական տհաճ անակնկալն է ավտոմեքենայի առքուվաճառքով զբաղվողների համար, որոնք առանց սրա էլ լուրջ խնդիրների են հանդիպել Ղազախսատանի քաղաքացիներին վաճառած ավտոմեքենաների հետ կապված:
Ըստ Ղազախստանի ՆԳՆ-ի, 2019-ին իրենց երկիր է ներկրվել շուրջ 95 հազար ավտոմեքենա, որի մեծն մասը՝ Հայաստանից: Ղազախական կողմը պնդում է, որ կա-տարված ու սպասվելիք հազարավոր գործարքները խախտումներով են արվել և պետք է այսուհետ կատարվեն խիստ վերահսկողության պայմաններով: Ամենայն հավանականությամբ ղազախներին այլևս ձեռնտու չի լինի Հայաստանում կուտակված հսկայական թվով մեքենաները տանել իրենց երկիր: Հնարավոր է անգամ, որ արդեն գնված մեքնենաները վերադարձվեն, որովհետև հայկական համարանիշով վարելու Ղազախստանում այլևս չեն ունենալու, իսկ համարնիշ փոխելու դեպքում Հայաստանից մեքնեա տանելը բացարձակ ոչ ձեռնտու է դառնում: ԵԱՏՄ նիստին ՀՀ կառավարությունը բարձրաձայնել է Հայաստանից դեպի Ղազախստանի Հանրապետության տարածք տրանսպորտային միջոցների տեղափոխման հետ կապված հարցերը, բայց առայժմ որևէ արդյունք չկա: Ինչպես հայտնի է, ավելի քան երկու շաբաթ է, ինչ ավտոմեքենաների հնարավոր գնորդները՝ ղազախները, հայկական ավտոշուկա ոտք չեն դրել: Պարզվում է, որ ԵՏՄ մուտք գործելուց հետո՝ անցումային ժամանակահատվածում, Հայաստանից Ղազախստանին մեքենաներ վաճառելու իրավունք չունեին : Մեքենաները պետք է օգտագործվեին միայն Հայաստանում` ՀՀ-ում մշտապես բնակվող քաղաքացիների կողմից:
Հիմա պարզվում է, որ ղազախներին վաճառած ավտոմքենաների դիմաց պետությունը նաև հարկ է գանձելու: Ընդ որում, եթե պայմանագրային գինը արժանահավատ չլինի, կիրառվելու է գործակից` ըստ շարժիչի հզորության:

Հայկ Դավթյան