Ահա թե ինչքան գումար էր փոխանցվելու ՀԴՄ-ից պետբյուջե

Վարչապետ Նիկոլ Փաշինյանին ՀԴՄ կտրոն չտրամադրելու հետ կապված հայտնի պատմությունը մի քանի ուշագրավ կողմ ունի: Նախ նշենք, որ ՀԴՄ կտրոնում արձանագրված գումարից պետական բյուջեն ստանում է 1,5 տոկոս: Տվյալ պարագայում Նիկոլ Փաշինյանի` ռեստորանում կատարած վճարումից ընդամենը 500 դրամ գումար էր փոխանցվելու պետական բյուջե: ՀԴՄ ապարատն անսարք է եղել, կես ժամ անց սարքը աշխատել է, ՀԴՄ-ն տպել ու վայբերով ուղարկել են վարչապետի տված համարով։ Չնայած սրան` ռեստորանի տերը տուգանվել է 75 հազար դրամով, քանիր որ վարչապետը զանգել է Արցախի պետնախարարին, հաղորդում տվել և պահանջել, որ տուգանեն: Փաշինյանը ռեստորանի աշխատողներին անվանել է զինվորի փայ գողացողներ: Իսկ ինքը` Փաշինյանը Արցախ է մեկնել 12 ավտոմեքենայից բաղկացած շարասյունով:
Փաստորեն, Վարչապետին կարելի է պետության հաշվին շարասյունը հասցնել Արցախ` որդու տեսակցության համար: Դա բանակի ու զինվորի հասանելիքը չի քչացնում, բայց այ 500 դրամի մուծումը, որ ՀԴՄ-ից փոխանցվելու էր բյուջե, մի այլ կարգի վնասում էր բանակին:
Այսքանից հետո մեծ հարց է` որևէ մեկը ցանկություն կունենա՞ ներդրում կատարել Արցախում կամ Հայաստանում, որտեղ ՀԴՄ-ն 30 րոպե ուշ տպելու համար մարդուն միանգամից տուգանում են: