ԵԽԽՎ-ի «դեղին քարտը» Փաշինյանին. հասկանալի է, թե ով է հայտարարության հասցեատերը. Գագիկ Համբարյան
Քաղաքագետ Գագիկ Համբարյանը ֆեյսբուքյան գրառում է կատարել, որում անդրադառնում է ԵԽԽՎ համազեկուցողների՝ ՍԴ-ի շուրջ ստեղծված իրավիճակի վերաբերյալ հայտարարությանը: Նա մասնավորապես նշում է, որ Հայաստանի իշխանությունները և հատկապես վարչապետ Փաշինյանն այսուհետ լավ կլինեն իրենց նեղ անձնական և թիմային շահերը վեր դասելով պետական շահերից՝ քիչ խնդիրներ ստեղծեն Հայաստանի համար ու դրա մեջ մեղադրեն իրենց ընդդիմախոսներին: Գրառումն ամբողջությամբ՝ ստորև.
«ԵԽԽՎ-ի «դեղին քարտը» Փաշինյանին
ԵԽԽՎ դիտորդներն անհանգստություն են հայտնել Հայաստանում կառավարության և Սահմանադրական դատարանի միջև առկա լարվածության կապակցությամբ... ԵԽԽՎ համազեկուցողները, որքան կարելի է հասկանալ հրապարակված տեքստից, բավական լավ տեղյակ են Հայաստանի վարչապետի կողմից վարվող բեսպրեդելային քաղաքականությունից....
Հայտարարության վերջին պարբերությունում ԵԽԽՎ դիտորդները նշում են, որ Հայաստանում քաղաքական գործիչները պետք է զերծ մնան այնպիսի հայտարարություններից ու գործողություններից, որոնք կընկալվեն որպես ճնշում դատական համակարգի վրա և կոչ են արել բոլոր կողմերին նվազեցնել ստեղծված լարվածությունը, որը կարող է վնաս հասցնել Հայաստանում իրականացվող բարեփոխումներին, որոնցով շահագրգռված է նաև Եվրոպայի խորհուրդը...
Ինչպես կասեն՝ "И ежу ясно...", թե ԵԽԽՎ դիտորդների հայտարարության հասցեատերն ով է...
Իհարկե, չի բացառվում, որ «փողոցային» ժողովրդավարության ջատագով Փաշինյանն իրեն բնորոշ ձևով շարունակի իր պրիմիտիվ սադրանքները և դարակազմիկ «գրիչառեպորտաժային» բացահայտումները ՍԴ նախագահի և ՍԴ դատարանի վերաբերյալ էլ ավելի սրելով իրավիճակը...
Ամեն դեպքում ԵԽԽՎ դիտորդների հայտարարությունը՝ կապված ՍԴ-ի շուրջ իշխանությունների կողմից տարվող ագրեսիվ քաղաքականության հետ արժանացավ ԵԽԽՎ ուշադրությանը ու «սառը ցնցուղ» է Նիկոլ Փաշինյանի և նրա թիմակիցների համար...
Չեմ զարմանա, եթե վաղը «ԻՔ»-ական մի քանի անմեղսունակ պատգամավոր պատեպատ տան և ասֆալտին փռեն նաև ԵԽԽՎ համազեկուցողներին...
Հ.Գ. Հայաստանի իշխանությունները և հատկապես վարչապետ Փաշինյանն այսուհետ լավ կլինեն իրենց նեղ անձնական և թիմային շահերը վեր դասելով պետական շահերից քիչ խնդիրներ ստեղծեն Հայաստանի համար ու անամոթաբարո դրա մեջ մեղադրեն իրենց ընդդիմախոսներին»:
Հետևեք մեզ Viber-ում
