Քննարկումները շուտով կսկսվեն. Ի՞նչ է փոխվել օրենսգրքում
«Փաստ» թերթը գրում է. «Իշխանության գալուց հետո Նիկոլ Փաշինյանի առաջնային նպատակներից մեկը Ընտրական օրենսգրքում համապատասխան փոփոխություններ կատարելն էր, որն ավելի կհեշտացներ կուսակցությունների մուտքը խորհրդարան, ինչպես նաեւ ընտրությունների ողջ ընթացա կարգում հստակություն ու ավելի պարզություն կմտցներ։
Հայտնի է նաեւ, որ 2018-ի արտահերթ խորհրդարանական ընտրություններից առաջ ԸՕ փոփոխությունների փաթեթը տապալվեց ԱԺ-ում, եւ այդպես էլ ոչ մի անդրադարձ այդ թեմայի վերաբերյալ տեղի չունեցավ։
«Փաստ» թերթին տեղեկություններ են հասել, որ առաջիկա օրերին ԸՕ-ի նոր՝ լրամշակված ու ամբողջացված տարբերակը կմտնի շրջանառության մեջ, որտեղ բավականին լուրջ փոփոխություններ են տեղի ունեցել կուսակցությունների եւ դաշինքների անցումային շեմերի իջեցման հետ կապված, վստահված անձանց ու դիտորդների կարգավիճակի ու նրանց լիազորությունների, ինչպես նաեւ ընտրական հանձնաժողովների ձեւավորման հարցերում։
Մեր աղբյուրի փոխանցմամբ, նախատեսվում է օրենսգրքի վերաբերյալ լայն քննարկումներ կազմակերպել, մասնավորաբար՝ լսումներ կանցկացվեն խորհրդարանում, որոնք կարող են լինել մի քանի ձեւաչափով։
Տեղեկություններ են շրջանառվում, որ ԸՕ հետ կապված քննարկումներ կիրականացվեն նաեւ խորհրդարանից դուրս գտնվող քաղաքական հատվածի, ինչպես նաեւ լայն փորձագիտական սեկտորի հետ»:
Առավել մանրամասն՝ թերթի այսօրվա համարում
Հետևեք մեզ Viber-ում
