Ավտովթար Շիրակի մարզում. Գյումրիում բախվել են Volkswagen-ն ու 2 ГАЗ 31029-ները

Երեկ՝ հունվարի 28-ին, ավտովթար է տեղի ունեցել Շիրակի մարզում։ Ժամը 20։00-ի սահմաններում Գյումրի քաղաքի Գորկի և Մատնիշյան փողոցների խաչմերուկում բախվել են Ախուրյան գյուղի բնակիչ՝ 63-ամյա Հրաչ Ա-ի վարած ГАЗ 31029 մակնիշի 45 ՕՍ 273 համարանիշի, Գյումրիի բնակիչներ՝ 54-ամյա Անուշավան Խ-ի վարած Volkswagen մակնիշի 35 ՍC 654 համարանիշի և 30-ամյա Վահրամ Մ-ի վարած ГАЗ 31029 մակնիշի 45 ՕԼ 010 համարանիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Հրաչ Ա-ն և նրա ուղևոր՝ 52-ամյա Ա. Պ-ն մարմնական վնասվածքներով տեղափոխվել են Գյումրու բժշկական կենտրոն։ Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 3-րդ դասակի ծառայողները՝ վաշտի հրամանատար Վաչե Մալաքյանի, դասակի հրամանատար Լյուդվիգ Ղանդիլյանի գլխավորությամբ։ Տեղում հետաքննչական աշխատանքները ղեկավարել է նույն վաշտի ավագ հետաքննիչ Նաիրի Գասպարյանը, ում կողմից փաստի առթիվ նյութեր են նախապատրաստվում։ Օպերատիվոոեն ժամանել են նաև Գյումրի քաղաքի ոստիկանության Կումայրիի բաժնի հերթապահ խումբը՝ համայնքային ոստիկանության ծառայողի գլխավորությամբ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: