Վետերանները առողջարաններ կմեկնեն

Կառավարությունը  6 մլն դրամ կտրամադրի Հայաստանի Հանրապետության վետերանների միությանը,որը  նախատեսվում է տրամադրել առողջարանային 50 ուղեգրի համար: «Այսօր Հայաստանում ապրում է  Հայրենական մեծ պատերազմի 150 վետերան: Մենք ամեն տարի գումար ենք տրամադրում, որպեսզի նրանք մեկնեն առողջարաններ»,- նշեց Աշխատանքի եւ սոցիալական հարցերի նախարար Արտեմ Ասատրյանը: Որոշվեց նաեւ  պետբյուջեի պահեստային ֆոնդից 7.9 մլն դրամ տրամադրել «Չեռնոբիլ ասոցիացիա» հասարակական կազմակերպության կողմից Չեռնոբիլի ատոմային էլեկտրակայանի վթարի 30-րդ տարելիցին նվիրված միջոցառումների անցկացման համար: