Ինչու են մահացել զինծառայողները, նոր մանրամասներ

Երեկ երեկոյան ԼՂՀ ՊՆ N զորամասերից մեկում երկու ժամկետային զինծառայող է մահացել: ՀՀ քննչական կոմիտեի մամլո խոսնակ Սոնա Տռուզյանն ի պատասխան մեր հարցին ասաց,որ հայտնաբերվել են ժամկետային զինծառայողներ Կորյուն Հարությունյանի եւ Իգոր Հակոբյանի դիերը: Արտաքին զննությամբ` բռնության հետքեր չեն եղել, ոչ էլ հրազենային վնասվածք են ունեցել: Մահվան պատճառը պարզելու համար նշանակվել է փորձաքննություն: armtimes.com-ի տեղեկություններով, զինծառայողները դժբախտ պատահարից են մահացել: Նույն այդ տեղեկություններով, դժբախտ դեպքը տեղի է ունեցել Ջրակնում (նախկին Ջաբրայիլ): Զինծառայողներից մեկը Մարտունու Գետաշեն գյուղից է, իսկ մյուսը՝ Վարդենիս քաղաքից: