Նայեք ու սովորեք
Ուկրաինայում կրճատում են նախարարների և այլ պաշտոնյաների աշխատավարձերը և պարգևավճարները։ Ուկրաինայի նախագահ Վլադիմիր Զելենսկին երկրի վարչապետ Ալեքսեյ Գոնչարուկի հետ հանդիպման ժամանակ հրահանգել է կրճատել նախարարների, պետական գերատեսչությունների, պետական ձեռնարկությունների տնօրենների և նրանց տեղակալների աշխատավարձերը:
«Դա պետք է լինեն նորմալ աշխատավարձեր։ Մենք հասկանում ենք, որ նրանք շատ լուրջ մասնագետներ են, բայց ես ուզում եմ ընդհանուր կարծիք ունենալ ձեր և նախարարների հետ, որ նման աշխատավարձերն այսօր Ուկրաինայում չեն կարող լինել այն վիճակում, որում գտնվում է մեր տնտեսությունը»,- ասել է Զելենսկին։
Ուկրաինայի նախագահը նաև հայտարարել է, որ այն նախարարներն, ովքեր համաձայն չեն այս որոշման հետ, կարող են հրաժարական տալ
Ուկրաինան Հայաստանի հետ համեմատած բավական «հարուստ» երկիր է։ Սակայն, ինչպես տեսնում ենք, Ուկրաինայի նախագահը՝ որպես երկրի ղեկավար, պետական մտածելակերպ է դրսևորում և դուրս գալով երկրի տնտեսական և բնակչության սոցիալ-տնտեսական վիճակից կրճատում է պաշտոնյաների և նրանց տեղակալների աշխատավարձերը։ Ընդ որում՝ սա անում է ընտրությամբ եւ ոչ թե հեղափոխությամբ իշխանության եկած պետության ղեկավարը։ Իսկ ինչ են անում Հայաստանում, մենք տեսնում ենք մեկուկես տարի շարունակ։
Հայաստանում իշխանության եկած քաղաքական ուժը, անտեսելով երկրի տնտեսության և բնակչության սոցիալական վիճակը, հասարակությունից գաղտնի 100%-ով բարձրացնում է նախարարների, փոխնախարարների, մարզպետների աշխատավարձերը, տարեկան մի քանի անգամ , մի քանի միլիոն դոլարի չափով պարգևավճարներ տալիս պատգամավորներին և այլ պաշտոնյաների։
Փոխարենրը հուսխաբ է անում ուսուցիչներին, թոշակառուներին , սոցիալական այլ խմբերի, որոնց աշխատավարձերի բարձրացումը տեղի ունեցավ գրոշների չափով։ Սա այն դեպքն է, երբ ոչինչ վեչլուծելու կարիք էլ չկա, պարզեպես ցանկացած միջին վիճակագրական հայ կարող է համեմատություն անել եւ հասկանալ՝ ինչ արժեհամակարգ ունի հեղափոխական իշխանությունը։
Ի դեպ, Ուկրաինայի նախագահը բարձրաձայնում է իր նախարարների «շատ լուրջ մասնագետ» լինելու հանգամանքը, ինչը չենք կարող ասել Փաշինյանի թիմի մասին։
Անի Սահակյան
Հետևեք մեզ Viber-ում
