Սոցիալական ճգնաժամի խորացում. գազի գինը կթանկանա՞

Չի բացառվում, որ «Գազպրոմ Արմենիա» ընկերությունը հայտ ներկայացնի Հանրային ծառայությունները կարգավորող հանձնաժողով՝ սպառողի համար գազի սակագինը թանկացնելու համար: Այս մասին Lragir.am-ին ասել է Հանրային ծառայությունները կարգավորող հանձնաժողովի նախագահ Գարեգին Բաղրամյանը:
Տևական ժամանակ կառավարությունը, ինչպես նաև անձամբ վարչապետ Նիկոլ Փաշինյանը հավաստիացումներ էին հնչեցնում, թե ռուսական կողմի հետ բանակցություններ են տարվել, որ գազի գինը 2020 թվականին չի բարձրանալու: Գարեգին Բաղրամյանը պարզաբանել է` գազի գնի չթանկացման մասին հայտարարությունը վերաբերել է միայն սահմանին վաճառվող գազին, բայց դա չի նշանակում, որ «Գազպրոմ Արմենիա»-ն չի կարող հայտ ներկայացնել հանձնաժողով և հիմնավորել գազի գնի թանկացումը:
Ինչպես հայտնի է `2019 թվականի սկզբին Հայաստանին վաճառվող ռուսական գազի գինը սահմանագլխին թանկացել որ 15 դոլարով: Այն ժամանակ սահմանվեց 1000 խմ դիմաց 165 դոլար գինը, մինչ այդ գործող 150 դոլարի փոխարեն:
Այն ժամանակ իշխանությունները խոսքները մեկ արած պնդում էին, թե սահմանագլխին գազի գնի բարձրացումը գազի ներքին սպառողական գնի վրա չի ազդելու: Վարչապետ Նիկոլ Փաշինյանն ԱԺ-ում հայատարարեց, որ ներքին որոշակի կարգավորումների շնորհիվ հայաստանյան սպառողների համար գազի գնի փոփոխություն տեղի չի ունենա:
Ըստ էության 2019-ի ընթացքում սպառողական գինը չբարձարացավ «Գազպրոմի» ներքին ռեսուրսների հաշվին է, բայվ ինչպես երևում է` դրա ժամկետը ևս սպառված է: Գարեգին Բաղրամյանը նշել է, որ ից «Գազպրոմ Արմենիա»-ի հետ բանակցության արդյունքում 2019 թվականին գնի բարձրացում չի եղել, << բայց հիմա չեմ բացառում, որ կլինի»,- ասել է նա:
Գազի գնի բարձրացումն իսկական «նվեր» կլինի առանց այդ էլ սոցիալական բեռի տակ կռացած հասարակության և առանց ահդ էլ հազոր ու մի չիրագործված խոստումների ձեռքը կրակն ընկած իշխանության համար:
Գազի թանկացումը սոցիալական ճգնաժամը լրջորեն կխորացնի: Իհարկե, եթե բարձրացումը տեղի ունենա գարնանը, հետևանքերն առավել տանելի կլինեն, բայց հատկապես ձմռանը բարձր գինը մարդկանց ընտանեկան բյուջեների վրա խորը ճեղքցածք կթողնի: Գազի թանկացումը բացասական կանդրադառնա նաև տնտեսության վրա, որի հետևանքով կթանկանան հացը, ծառայությունները, տրանսպորտը:
Կառավարությունը գազի գնի թանկացման դեմն առնելու երեք տարբերակ ունի` կամ պետք է շարունակի ճնշումներ գործադրել «Գազպրոմ Արմենիա»-ի վրա, որպեսզի հրաժարվի բարձրացման մտքից, կամ պետք է փորձի ռուսական կողմի հետ լեզու գտնել, որ սահմանագլխին գազի գինը էժանացվի, կամ էլ պետք է պետական բյուջեից սուբսիդավորի գազի գնի բարձրացումը: Առաջին երկուստ քիչ հավանական տարբերակներ են, իսկ երրոդն էլ` մեղմ ասած ազնիվ չի լինի հարկատուներիս նկատմամբ:

Հայկ Դավթյան