Պրոֆեսորի օգնականը կոչ է արել «ամերիկյան օբյեկտները` այդ թվում Քարդաշյանի առանձնատունը ռմբակոծել»

ԱՄՆ Մասաչուսեթսի համալսարանի պրոֆեսորի օգնականին աշխատանքից հեռացրել են, երբ նա սոցիալական կայքում Իրանին առաջարկել է գեներալ Ղասեմ Սոլեյմանիի սպանությանն ի պատասխան 52 ամերիկյան մշակութային օբյեկտ ընտրել ռմբակոծման համար, հայտնում է Daily Mail պարբերականը:

Էշին Փենսին կատակել էր Facebook սոցիալական ցանցի իր էջում` գրելով. «Որպես վրեժխնդրություն` այաթոլլահ Խամենեին պետք է առնվազն 52 ամերիկյան սիրելի մշակութային վայրի անուն հրապարակի Twitter-ում ռմբակոծման համար… Mall of America՞-ն, Քարդաշյանների առանձնատո՞ւնը»:

Ֆեյսբուքյան գրառումը որոշ ժամանակ անց ջնջվել է, սակայն նրա գործատուներն արդեն հասցրել էին այն տեսնել: