Խոշոր ավտովթար. բախվել են Opel-ն ու ГАЗ 31029-ը. վերջինն էլ բախվել է կայանված Mercedes-ին, Opel-ը գլխիվայր շրջվել է
Այսօր՝ հունվարի 11-ին, խոշոր ավտովթար է տեղի ունեցել Շիրակի մարզում: Ժամը 10:15-ի սահմաններում Գյումրի քաղաքի Սայաթ-Նովա փողոցի թիվ 7 հասցեի դիմաց բախվել են Opel մակնիշի 45 AV 111 համարանիշի և ГАЗ 31029 մակնիշի 35 NF 171 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, բախման հետևանքով Opel-ը գլխիվայր շրջվել է, իսկ ГАЗ 31029-ն էլ բախվել է կայանված վիճակում գտնվող Mercedes մակնիշի 35 FM 218 համարանիշի ավտոմեքենային: Վթարի հետևանքով ГАЗ 31029-ի վարորդը բժշկական հետազոտման նպատակով օպերատիվորեն դեպքի վայր ժամանած Գյումրու բժշկական կենտրոնի բժիշկների կողմից նախ տեղում առաջին բուժօգնությունն է ստացել, ապա տեղափոխվել ԲԿ: Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 3-րդ դասակի ծառայողները՝ վաշտի հրամանատար Վաչե Մալաքյանի, դասակի հրամանատար Լյուդվիգ Ղանդիլյանի գլխավորությամբ: Տեղում հետաքննչական աշխատանքները ղեկավարել է նույն վաշտի ավագ հետաքննիչ Արմեն Պողոսյանը, ում կողմից փաստի առթիվ նյութեր են նախապատրաստվում: Օպերատիվորեն ժամանել է նաև Գյումրի քաղաքի ոստիկանության Կումայրիի բաժնի օպերատիվ խումբը՝ համայնքային ոստիկանության բաժանմունքի տեսուչի գլխավորությամբ: Ոստիկանությունը պարզում է վարորդների ինքնությունը: Ըստ նախնական տեղեկությունների՝ վթարի մեղավորը եղել է ГАЗ 31029-ի վարորդը, ով վթարային իրավիճակ է ստեղծել Opel-ի վարորդի համար, ինչն էլ դարձել է վթարի պատճառ:
Հետևեք մեզ Viber-ում
